哥哥添飯•妹妹泡茶

营业中

休息中

呢间台湾菜个铺头名好得意，食物同饮品方面都好出色，多选择得黎份量又超级多，好抵食，下次要再黎试吓其他食物先得🍝麻辣肉筋面配鲁菜 $93个汤底非常之重花椒嘅味道，牛筋亦都非常之重胶质，牛肉采用牛腱肉非常软熟同埋入味，而且仲有平时牛肉面好少见到嘅虫草花。🍗芥末炸鸡配炸青椒配鲁肉饭$108呢个价钱有四大嚿炸鸡非常之抵食，每一旧都炸得好香脆，油而不腻，加埋个芥末酱好正，而且仲要包埋卤肉饭，肉嘅份量超多而且够晒肉汁送饭一流。🥤特选水果玫瑰花茶 $28水果茶唔使叫少甜都唔会太甜，入面有好多种生果，饮落去非常之解腻。🧋乳酪芝芝水蜜桃 $38同平时嘅芝士奶盖好唔同，多咗乳酪嘅味道好特别，而且下面嘅水蜜桃饮落去都好清新，唔会太甜啱啱好。