紅磡串門子

营业中

休息中

朋友约我去食串烧，我即时想到呢间餐厅，之前已经想试好耐架喇！估唔到收左工既时段竟然重有位，因为以前经过都满座，我同朋友一坐底紧系即时狂叫野食喇，由于太肚饿既关系，所以我地都叫得比较多野食。点食物系需要用QR Code落单，十分方便，而且个app重有埋分类，比我地容易d睇，我地重可以清楚睇到相片同价钱，果然细心啊烧五花腩肉串食落好香好脆卜卜，而且肥瘦分怖好平均，本身劲惊佢会比劲多肥位我，食落就知我既担心系多余。惹味蒜蓉茄子劲香蒜蓉味，而且外皮都好薄，我地连d皮都食埋！而且入面既水份非常充足。烧猪颈肉食落会有少少干，但个调味搭够，绝对值得一试。烧鸡翼一串有两只，烧到个皮好脆口，而且d肉又唔会好干，十分抵食，值得推介。花甲粉我见个个都有叫呢个粉，我地都唔执输，分量都几大碗，汤底超级正，唔会太过辣，而且个粉好挂汁，花甲新鲜又冇沙。巴蜀炒饭(辣)由于太过肚饿，所以决定叫个炒饭食，非常欣赏呢个炒饭好有获气，亦都十分足料，加上有少少麻香，我地最终食晒成碗饭。