影片
更多
2025-01-23
764 浏览
今次我地黎左沙田呢边行街，都劲多野行，我地过左黎一田呢边行完就顺便系三期呢边开始揾野食，揾到呢间台式边炉放题几多人排队，多人排多数都好食，梗系跟机，原来可以用Gulu app电话攞飞，下次醒啦😆佢地有5个级别既餐，lv1-3就食100分钟，lv4-5就食120分钟，一场黎到就食个lv4（$388），可以食多20分钟✌🏻汤底我地叫左2个，一个羊肚菌八珍汤，用多种唔同既珍菌煮，味道清甜，另外就系青花椒麻辣汤，辣打边炉就最岩，一辣一唔辣既汤咁就岩岩好😝lv4既牛肉有澳洲和牛肩胛肉眼最靓，牛扑肉（CAB牛头发），同埋顶级无骨牛小排都几靓，我有叫埋其他肉比较下，真系明显有分别，lv4既三款肉好高质，不过其余既都唔错👍🏻海鲜既lv4有鲍鱼，大虾，但我最惊喜既系lv3都有既响铃鱼籽虾滑卷，虽然佢浸左汤冇左响铃既脆，个人觉得佢似枝竹多，但系佢同个虾滑好夹，个口感好正，其次仲有沙白，鱼肚都值得嗌🦐熟食有多款台式小食，最特别就系蚵仔煎，香港比较少见，最好食我觉得系藤椒鱼皮，而炸鱼皮放汤煮都正，盐酥鸡同金沙芋泥波都ok😋自助区仲有好多唔同火锅配料，蔬菜等等，最正就有台式甜品既仙草芋圆同爱玉芋圆，个底店员已经
佢地有5个级别既餐，lv1-3就食100分钟，lv4-5就食120分钟，一场黎到就食个lv4（$388），可以食多20分钟✌🏻
汤底我地叫左2个，一个羊肚菌八珍汤，用多种唔同既珍菌煮，味道清甜，另外就系青花椒麻辣汤，辣打边炉就最岩，一辣一唔辣既汤咁就岩岩好😝
lv4既牛肉有澳洲和牛肩胛肉眼最靓，牛扑肉（CAB牛头发），同埋顶级无骨牛小排都几靓，我有叫埋其他肉比较下，真系明显有分别，lv4既三款肉好高质，不过其余既都唔错👍🏻
海鲜既lv4有鲍鱼，大虾，但我最惊喜既系lv3都有既响铃鱼籽虾滑卷，虽然佢浸左汤冇左响铃既脆，个人觉得佢似枝竹多，但系佢同个虾滑好夹，个口感好正，其次仲有沙白，鱼肚都值得嗌🦐
熟食有多款台式小食，最特别就系蚵仔煎，香港比较少见，最好食我觉得系藤椒鱼皮，而炸鱼皮放汤煮都正，盐酥鸡同金沙芋泥波都ok😋
自助区仲有好多唔同火锅配料，蔬菜等等，最正就有台式甜品既仙草芋圆同爱玉芋圆，个底店员已经整好晒比客人攞，跟住可以自己加配料落配甜品度，呢个我都好钟意，另外仲有大量饮品，自制既冷泡茶，同埋有雪糕雪条，多到食唔晒🍨
呢间放题我觉得系高质既，如果你系大胃王，同埋对牛有要求既，咁一定要食lv4，因为可以食多20分钟同埋d牛系坚靓，如果系对台式小食等等兴趣大既，就lv3最好，因为佢lv3先接近包晒所有熟食，lv2以下种类就偏少，所以lv3或lv4系最好😉
张贴
