炊豕店 (威靈頓街) (已結業)

本人超钟意食肉，基本上冇肉不欢，见到今次块猪扒咁大块，真系好惊喜。内外嘅装修都好简单，冇谂过佢嘅猪扒咁好食，入边装修有少少似台湾嘅风格，好似自己去咗台湾一样。食物嘅选择都几多，除咗猪扒饭外，仲有猪手、卤水蛋、猪软骨、滑蛋等等，选择种类都几多，除咗叫正餐外，仲可以加钱加最钟意食嘅午餐肉，另外小食仲有唐扬炸鸡、卤水鸡翼及炸鱼旦等等。左个葱油猪扒饭同埋秘制猪扒饭配鲁肉汁，葱油加落去真系好香口，每啖都有葱油味，猪扒嘅咋粉好薄，同埋猪扒好淋，另外佢嘅鲁肉偏向甜，猪肉唔肥，入口即溶。最后另外叫咗个唐扬炸鸡，鸡肉嫩滑，炸起香脆。