牛摩+ (沙田中心) (已結業)

今日中午行过沙田，见这里人头涌涌，而且附近又唔知食什么，上网见这里的食评也不俗， 所以试一试。我点选的是澳洲极上和牛套餐，牛肉上枱之后我俾佢吓一条，真系得啖笑，𠮶啲牛肉嘅色泽十分之差，仲差过美国的牛小排，而且切得十分之薄，数一数大概有六片，凭肉眼所见呢啲应该系一早切好，然后放入雪柜，我明白味道系很个人，我话唔好食但可能其他人都话好食，但是卖相真系非常之差！至于汤底可选择要寿喜烧，虽然我唔系这方面的人才，但我记忆中这个汤底应该系甜甜地的，我用匙羹试昧，我饮唔到任何一点甜味，只有一种苦涩味，就算我放入牛肉之后再加上疍汁，仍然使不到汤底的苦味，无奈之下我选择了柚子醋作为代替，这样才可以入口。Bar台上，都系一般大路的食材，我没有影相，但系我自己就觉得比较港式少少，看不到任何日本的元素， 选择和其他类似竞争的对手就比较少，唯独是这里有一个小小的沙律 bar ，可惜卫生情况有待改善。由于我坐的位置可以看到厨房入面，我见到大量蔬菜放在地上，我唔知他们有没有清洗之后才放上bar台，但作为一间有责任的餐厅，应该要注意一下卫生。