金牌小龍 (已結業)

小笼包对于〈为食小肥兔〉同〈狮子老公〉真系有无可抗拒嘅诱惑。位于尖沙咀iSquare嘅〈金牌小笼〉一直都系我哋心目中 〈小龙包龙虎榜〉排名很高的食店之一。所以今日小笼包瘾起就再次嚟一尝美味嘅小笼包。〈金牌小笼包〉第一件事当然要叫即整嘅小笼包，热辣辣的，仲有辣有唔辣。🌶🌶🌶〈香辣小笼包〉从外表睇的确唔容易分别辣味定系原味小笼包，店家好贴心咁加咗两块小蒜片喺辣味嘅中间，保证实唔会搞错。嗱嗱声同两笼小笼包影过相之后就即刻夹起嚟食，虽然小笼包嘅皮唔算系薄到大力少少挟都会穿𠮶种，微微带少少嘅厚度食起上嚟QQ弹弹又烟韧，口感好好。先吃原味小笼包，Q弹既外皮之下入面系满满嘅浓郁汤汁同香嫩嘅小肉团，带有黏黏嘅骨胶原感觉又不肥腻，超正。辣味嘅小笼包则比原味多一份香和辣，惹味又开胃〈菜肉红油抄手〉有小笼包又点可以没有抄手？？沾上满满红油嘅抄手皮薄馅靓，内里有满满嘅菜肉馅，真系越食越开胃，欲罢不能。〈蒜泥白肉〉食上海嘢点可以唔食蒜泥白肉？？满满嘅蒜蓉加上辣油和花生脆粒，香口惹味得嚟可以解去腩肉的肥腻感，好邪恶啊。〈鸡丝粉皮〉幼滑细嫩嘅鸡丝条粘上满满嘅麻酱后再拌以爽脆青瓜条和Q弹粉皮丝一起吃，味道和口感都多重