媽咪雞蛋仔 (已搬遷) 新店位置

妈咪鸡蛋仔系我食过咁多间鸡蛋仔最好食的鸡蛋仔⋯佢嘅款式好多，有原味、有朱古力味、有香蕉味，今日我仲见到佢有墨鱼汁系列同埋伯爵茶系列。我大约下昼三点半去买，可能因为今日落雨唔算多人，我叫咗原味，等大约5分钟就可以有新鲜热辣嘅鸡蛋仔食。拎到鸡蛋仔之后，第一时间梗系食一粒先，超级热，外脆内软的鸡蛋仔真系冇得顶，佢每一粒都做得好均匀，所以粒粒都咁好食。不过，我有一半食净左，摆咗10分钟后先食，就真系唔好食啦，好硬同好甜，所以提一提大家一定要趁热食，如果唔系就浪费左咁好食嘅美食。