韓閣 (已搬遷) 新店位置

我谂住得荃湾嘅大家都会识呢间韩国餐厅！晚晚都排晒长龙🤡今日系公司食咗下午茶夜晚想揾个地方饮杯嘢倾吓计就嚟咗呢间餐厅！虽然好多人但系等左一阵都好快有位！餐牌好多选择😃真系有样样都想食呀！我哋叫咗个大酱汤🤓劲钟意劲好味汤入边蚬肉好新鲜！我哋叫咗一人份但我地两个人饮都好够☺️然后叫咗个泡菜猪肉芝士卷！饭既黏度啱啱好🥳而且配合芝士劲香浓！再叫左个黄金海鲜拼盘☺️虽然好热气但系好香口😌一路饮住野一路食好正！仲有叫咗个泡菜烧鱿鱼🦑👏🏻大大份而家好入味！餐厅一路keep住播歌我地一路倾计好有置身系韩国居酒屋既感觉😝仲有想推荐呢杯蝶豆花柚子！好香甜！正🥰