三藩市牛扒屋 (已結業)

同个friend两个人去食,以为坐窗口位会好正! 但点知张枱好细,同隔离枱又劲近,俾两张枱夹住,倾唔到偈,只系听到嘈杂声! 而且好有压迫感,坐得一d都唔舒服。我地两个人order左西冷牛扒,凯撒沙律,白菌汉堡&lemon tea,噢...我真系唔明o个一件仔牛扒点会值$285,话就话七成熟,但就劲硬又干,d配菜又cheap同寒酸,个碟就够大呀,但食物就真系唔掂! 沙律得几条生菜淋左d汁,普通至极。如果要拣样最好,算系个汉堡啰,但亦唔见得好好味,麦记双层芝堡都拍得住!就连Lemon Tea都可以唔好饮,真系好高难度!!讲到service,又系唔掂,d waiter/waitress冇乜礼貌,做漏野一句唔好意思都冇,只系话:"唔记得左!" 我地食完野之后坐左o系度倾偈计,但佢地就成日o系度徘徊,唊黎唊去,好似迫我地走咁。