漁道樂 (已結業)

今日突然想食日本嘢，就系OpenRice 是但笃咗一间。食完之后睇返负评，中肯，完全反映事实。唔明点解会有咁多好评。埋单两个人$8xx, 寿司拼盘，甲罗烧，鳗鱼，和牛炒饭。相都唔想影。食物无咩问题，但性价比唔高。环境都无咩问题，好日系，有啲矶丸feel。不过service就劲差⋯⋯老实讲，天生黑面嘅人真系唔适合做服务行业，令到个客好唔舒服。其实全场得两枱，水又唔加。未烧嘅甲罗烧黎到，咩都无讲就咁放低⋯又唔讲系咪要自己烧，炉又无开，同老公望住个蟹盖唔知点好，过咗阵先埋黎帮我地烧，仲话生食都得因为OpenRice 订位，佢写可以用OpenRice Pay, 但埋单果时又话唔可以用。唔会再去。唔推荐去。试餐厅记得睇负评。