羅富記粥麵專家 (已結業)

今日过黎中环揾男朋友食个午饭，因为我唔系好舒服既关系，选择左食粥。系中环食粥面，梗系罗富记喇，有得食鲩鱼皮㖞！！加上男朋友又未食过，我地即刻决定左呢度。好彩我地早少少黎，坐低冇耐出面就排晒队喇~第1件事问下仲有冇鱼皮！哈哈哈哈~劲开心，之后我仲要左肉丸粥，同埋男朋友既腰肝捞面。鱼皮真系食极都唔嫌，佢有葱丝同姜丝系面，再自己加上适量豉油同胡椒，捞混佢，将鱼皮同姜葱丝夹住一齐食。本身鱼皮其实冇乜味，但加左少少豉油胡椒，带出左个种鲜味，另外鱼皮本身做到好爽脆，加埋姜葱丝既香味，好味到不之得了。连平时唔太钟意鱼皮既男朋友都Lam Lam脷！嘻嘻～之后到个肉丸粥，好似好普通咁，但呢度既粥底好绵好滑，加上佢好豪爽既肉丸份量，哈哈哈哈。虽然比起细个爷爷做既肉丸粥冇咁弹牙好味，但佢已经算okay了，以份量取胜！最后我地一路食一路食，食到尾应该有1打！即系12粒肉丸呀，好彩男朋友帮我食啲，唔系真系食唔晒！