炯記餐室 (沙咀道) (裝修中)

放工同朋友黎左荃湾食饭，近近地去左荃新天地对面的炯记食，佢啲手撕鸡好好食，平时都有外卖加𩠌㗎。是日叫左个两人餐，贪佢好丰富之余仲送埋餐饮，真系抵食到无朋友。🐓盐焗手撕鸡呢度啲手撕鸡真系好正，鸡肉入味又有咬口，只鸡又唔肥腻，唔会食到一口油，超好味。🐖冬菇酱皇猪手猪手又系招牌野，炆到淋晒好正，同样十分入味，猪皮弹牙，仲食到满满嘅骨胶原口感，旁边嘅冬菇都好香口㗎。🐓麻辣鸡肾鸡肾好脆好爽口，口感好好，麻辣味不重，只属微辣程度，个人觉得可以辣多少少嘅。🍄酸辣云耳酸酸地又脆口嘅云耳，令人更开胃呢。🥬郊外油菜唐生菜好翠绿，正好平衡返食左咁多肉类。🦢太子鹅油捞面面条有咬口，捞左鹅油好甘香，超好味，就算无𩠌净系食佢都可以食到一大碗。🥣是日靓汤无味精靓汤，是日系粉葛红萝卜粟米瘦肉汤，鲜甜清润，好想encore多碗！🍋冻柠茶餐饮要左冻柠茶走甜，好冰冻，正啊～个二人餐两个人食都饱到上心口，好味又抵食，赞呀！