靚煲皇 (已結業)

千年老友揾地方吹水聚聚，要有电视睇，要有好野食，要抵食，仲要有地方俾我地「BleiBahLa」吹水。老友推介落旺角「靓煲皇」，系旺角地铁朗豪坊直踩就到，啱哂我呢啲路盲港岛人。今餐老友聚聚，点左精算小菜俾我地可以齐饮酒作乐花胶粟米羹绵绵粟米羹配上弹牙花胶⋯ 爽口经典黄金炸大肠 坚系脆卜卜，外脆内烟韧。仲有菠萝🍍系底去腻感。最重要无大肠个阵内臓味！呢个好考师父功力又要洗得条肠干净！有旧式粤功夫菜功力！ 冻食卤水并盘（鹅掌、猪手、鸡肾）唔系豉色卤水 ， 冻食潮式卤味风味无穷。呢个配清凉啤酒🍻简直一流。少爷咕噜肉咕噜肉好嫩口多汁，「啖啖肉、小鲜肉」深海龙趸头腩从未试咁多骨胶原，口感爽脆，葱爆惹味招牌小炒皇足料！有齐腰果、虾米、炸芋丝、白饭鱼、韮菜组合而成小炒皇。最难得韮菜鲜嫩无渣。最后以鲜甜大树菠萝完美结束环境地方唔算大，但一应俱齐，有WiFi, 每张枱配有多个USB插头，仲有两陪大电视surround sound , 睇波一流！