蟹點

营业中

休息中

带朋友嚟试呢间新派大排档，地方大，干净，价钱平。呢度除咗海鲜之外，佢嘅小炒亦都好正，佢系集合广东菜同泰菜于一身。我哋今次平咗低，所以冇限时，平时weekend呢度好爆，会分两轮。呢度每台都可以优惠价钱$38叫一个𩠌，四选一，我哋拣咗黄金虾。我哋原本想叫白肺汤，点知冇晒白肺，所以我哋叫咗杏汁猪肺汤，中规中矩，上次嚟饮好饮啲。铁板姜葱号，钟意食好嘅你一定要试，铁板煮法非常香，我哋连啲葱都食晒。另外我哋叫咗豉椒炒蛏子，蒜蓉粉丝蒸蛏子，豉汁炒整得比较老，蒜蓉粉丝蒸相对出色，好味。咕噜肉系一个非常出色嘅小菜，排骨肥瘦适中，个皮亦都炸得好脆。白胡椒蟹上次食好好味，今次争咁啲汁，同待应反应，佢哋即刻再上一腕汁比我哋𣺉上去，即刻正返晒。钟意食面嘅，豉油王炒面都一定要试，够晒镬气，再加埋辣椒酱，正到爆。