一燒窰 (已結業)

七点几专登出旺角食一烧窰。就系因为近排想食烧烤，而睇食评，呢间既食评超好！讲真啦坐低𠮶阵真系有啲肚饿架，好快就有嘢饮上，但系啲嘢食就好似等极都未来。如果无耐性等既朋友，呢间唔会系好选择。今日偏叫菜类嘅嘢多，但牛脷，鸡肾，鸡软骨都好好味。鸡软骨都有小小肉既，唔系净软骨。海鲜类嘅清酒煮蚬、鱿鱼都唔错，四色烧蚝（黑松露、蒜蓉、烧汁、芝士焗）佢哋仲做紧推广，叫小食有一杯150毫升嘅啤酒。今日我哋叫咗烧豆腐。菠萝，用上新鲜既菠萝。烧茄子好味，冬菇麻麻地。 洋葱刚刚好唔太林亦己经无晒辣味。烧玉子都可以推介。一啖饭，净系睇个名都觉得佢好吸引。烧左出黎有饭焦既香味，中间软既部份就加左沙律酱，酱唔算太多，唔会影响到久卜面饭焦既脆同香口😘其实如果唔钟意食烧烤嘅，佢哋嘅晚市套餐都好吸引。我见到隔离枱嘅鳗鱼饭成条鳗鱼有成10吋咁长放响饭面！睇到都流口水。最衰已经好饱喇。