職人食事 (石水渠街)

营业中

休息中

开完会时间已经唔早回家煮唔到饭，所以决定买外卖回家食，同事介绍沿蓝屋一直行上去，有一间超级抵食嘅日本餐厅小店，我即管行上去揾吓，喺门口已见到$70有一盒刺身饭连面豉汤，咁抵谂都唔使谂，今晚一于食佢。Dinner set刺身饭份量一啲都唔细，一整盒超多饭，三文鱼吞拿鱼蓉饭，吞拿鱼蓉份量好多，味道鲜甜。三文鱼赤虾饭，三只大大赤虾，超级肥美，虾头仲要充满虾膏，超级惊喜非常好食。三文鱼带子饭，带子都系好大只。另外再叫多咗一盒10件寿司，有生有熟，生嘅油甘鱼，尤其好味，肥美而且充满油脂，熟嘅有鳗鱼同埋蟹子寿司等等，俾小朋友食就啱晒。熟食仲点多咗盒牛肉生姜饭俾小朋友，好大盒份量非常足，三文鱼鲛小朋友最爱外皮煎到好香脆，鱼肉点汁一齐食，又系送饭一流。总括餐厅真系性价比高，今时今日$70只可以食茶餐厅，但呢度竟然可以食到日式鱼生饭，真系要多谢同事介绍。