影片
更多
2019-07-09
804 浏览
话说今日返完工谂住早啲食个饭去行街于是行行吓就去咗厚福街𠮶边揾吓有咩食上到去见到呢间酒吧好似几正左入去饮两杯食啲小食唔使太饱入到去嘅时候我哋已经觉得环境唔错同一时间价钱亦都几抵 同诺士佛台比 个到一杯嘢饮都8-9x落楼嘢食仲要更加贵 呢度嘅嘢饮都系大概70到一杯 价钱几亲民 野食更加系抵！ 70几蚊食到大大嚿鱼 冇得弹啦今次去到由于我哋都唔想饮得太烈所以净系叫咗cocktailMy Orchard $68个人好钟意呢杯酸酸甜甜饮都有菠萝热情果味道 饮完之后更加开胃又唔会太烈Sancino $68朋友就话好钟意饮呢杯因为饮落去酸得来又唔会好大酒味 容易入口 几fresh唔饮得酒嘅朋友都可以试吓嘢食方面我哋只系叫咗几个小食但系都够饱Fish and chips $68见到个价钱我哋都呆左 尖沙咀㖞酒吧㖞 呢个价钱两旧大大嚿鱼柳 薯条仲要炸得几好食 呢个价钱只可以话真系好抵香烤辣鸡翼 $68同朋友食之前仲喺度估有几多串三定四 黎到 有成五串份量仲要几多 食落去辣辣地几惹味🍖串烧 $48有啲搞笑原本同朋友仲谂紧系咪净系拣一只味得三四串 结果叫𠮶阵先知呢个价钱原来系牛猪鸡每样两串 抵食到笑咗咁
上到去见到呢间酒吧好似几正左入去饮两杯食啲小食唔使太饱
入到去嘅时候我哋已经觉得环境唔错同一时间价钱亦都几抵
同诺士佛台比 个到一杯嘢饮都8-9x落楼嘢食仲要更加贵 呢度嘅嘢饮都系大概70到一杯 价钱几亲民 野食更加系抵！ 70几蚊食到大大嚿鱼 冇得弹啦
今次去到由于我哋都唔想饮得太烈所以净系叫咗cocktail
My Orchard $68
个人好钟意呢杯酸酸甜甜饮都有菠萝热情果味道 饮完之后更加开胃又唔会太烈
Sancino $68
朋友就话好钟意饮呢杯因为饮落去酸得来又唔会好大酒味 容易入口 几fresh
唔饮得酒嘅朋友都可以试吓
嘢食方面我哋只系叫咗几个小食但系都够饱
Fish and chips $68
见到个价钱我哋都呆左 尖沙咀㖞酒吧㖞 呢个价钱两旧大大嚿鱼柳 薯条仲要炸得几好食 呢个价钱只可以话真系好抵
香烤辣鸡翼 $68
同朋友食之前仲喺度估有几多串三定四 黎到 有成五串份量仲要几多 食落去辣辣地几惹味🍖
串烧 $48
有啲搞笑原本同朋友仲谂紧系咪净系拣一只味得三四串 结果叫𠮶阵先知呢个价钱原来系牛猪鸡每样两串 抵食到笑咗
咁样食完之后仲平过去九龙城食泰国嘢 野食嘢饮仲要几好味 以后同朋友饮嘢又多咗个选择啦 起码唔使成日都诺士佛台😂
张贴
