武士拉麵 (已結業)

早幾日同事介紹，話佐敦有間隱閉既拉麵店，佢話呢間拉麵店既湯底好正，好重豬骨同木魚味，所以我放工就同男朋友去試啦。 呢間拉面店全部都係單排座位，會直接見到師傅煮野。今日晚上7點左右黎到，一入門口，師傅就好熱情咁歡迎，仲介紹佢地最出名既拉麵，我地叫左2碗拉麵。而店內有枝特製魚油，加係湯底入面，好香魚味。第一碗係真田將軍拉麵，亦姐係豬軟骨拉麵。首先講下個湯底，真係好濃既木魚味。而豬軟骨就師傅一早醃好，非常入味。拉麵就軟硬適中，整體來講是高質的！ 另一碗係豐臣將軍拉麵，呢碗拉麵好多蔥粒，配埋個湯底，非常好飲！而叉燒方面，我地見到師傅用左火槍加熱，令到塊肉充滿油香！ 另外，我地每人都加左半熟溏心蛋，蛋是對半放在拉麵上面，非常好味，值得推薦比大家！而且都是加$10就有，好抵食。總括來說，呢間隱世既拉麵性價比好高，拉麵既水平比得上 連鎖既店，而且不收加一，在佐敦行開既朋友， 不妨係呢度試下，絕對抵食！