影片
更多
2024-03-23
290 浏览
今日带波波嚟到旺角东食好西, 劲方便，就喺旺角东地铁站附近。狗狗可以坐室内(!!!大狗细狗都可以坐室内!!!)，唔使入袋!! 呢个point对我地主子嚟讲真系好重要，加分加分加分！波波一坐低就好忙，又要开始亲善大使嘅工作，不停向餐厅嘅靓女姐姐’请请’，系咁卖萌，顶佢唔顺😂😂 我一于少理，嗌嘢食！晚餐时段有二人餐，其实二人餐应该系最抵食的，一个前菜两个主菜一个甜品两杯嘢饮都系$428。不过我又想食佢嘅burger，所以冇叫。最后叫咗:✨Matchy Combo自选便当 (呢个几好，可以自选一个碳水化合物，两份肉同两份蔬菜/蛋制品） $118up咁多样嘢入边最钟意系自选便当，真系好多选择！有日式有西式有健康有邪恶之选，自由配搭，啱晒三心两意嘅我😛 最重要系摆盘好靓，份量有足，食得影得好开心！✨ Chill多茜牛肉汉堡配芫茜Shake shake薯条 $158芫荽Shake Shake薯条原来系咁好食 ！不过芫荽汉堡包都真系好芫荽，可能我唔够钟意芫荽，所以唔系好识欣赏佢🤣但入边𠮶块汉堡扒系好好食好Juicy嘅😋但我相信钟意芫荽嘅朋友应该会劲钟意！因为真系好足料！每一啖都系芫荽！✨ 花生酱奶盖
波波一坐低就好忙，又要开始亲善大使嘅工作，不停向餐厅嘅靓女姐姐’请请’，系咁卖萌，顶佢唔顺😂😂 我一于少理，嗌嘢食！
晚餐时段有二人餐，其实二人餐应该系最抵食的，一个前菜两个主菜一个甜品两杯嘢饮都系$428。不过我又想食佢嘅burger，所以冇叫。最后叫咗:
✨Matchy Combo自选便当 (呢个几好，可以自选一个碳水化合物，两份肉同两份蔬菜/蛋制品） $118up
咁多样嘢入边最钟意系自选便当，真系好多选择！有日式有西式有健康有邪恶之选，自由配搭，啱晒三心两意嘅我😛 最重要系摆盘好靓，份量有足，食得影得好开心！
✨ Chill多茜牛肉汉堡配芫茜Shake shake薯条 $158
芫荽Shake Shake薯条原来系咁好食 ！不过芫荽汉堡包都真系好芫荽，可能我唔够钟意芫荽，所以唔系好识欣赏佢🤣但入边𠮶块汉堡扒系好好食好Juicy嘅😋但我相信钟意芫荽嘅朋友应该会劲钟意！因为真系好足料！每一啖都系芫荽！
✨ 花生酱奶盖牛奶奶冻$48
甜品有惊喜，花生酱嘅味唔会抢咗牛奶奶冻嘅味，又唔会好甜，大家互相衬托吓好夹，有机会一定会再食！
✨宇治小山园抹茶鲜奶$45
至于杯饮品就系个拉花最出色，都未饮，见到都开心☺️☺️
另外想提一提餐厅嘅座位，餐厅虽然唔大，但系枱与枱之间嘅距离都足够，感觉宽敞。员工好亲切，大家都有同波波玩，开心死佢😂😂
最后想分享一个意外收获~ 餐厅其中一个员工都揾紧宠物保母帮佢照顾家中三只毛孩，我哋就系咁样相认左😂😂 我帮衬餐厅，迟啲到你帮衬返我哈哈！
真开心食餐饭又识到喜欢动物的新朋友🫶
张贴
