Bierhof (已結業)

今日去左好有德国乡村特色既酒吧餐厅，食物、饮品都系好德国style ， 系九龙区唔系度度都可以揾到 ，环境真系好好，又够静够舒服，不同于同区的劈酒酒吧，服务仲非常好，好有心机介绍食材同啤酒类别！整体酒品多选择，食物富德国特色，而味道偏清淡d，不会太浓味！酒类方面：大麦黑啤（好香口）小麦白酒（用左一个大桶装住湛，好有风味）柠檬啤 （超推😍唔好酒既我觉得好易入口，好好饮呀）主食：-农家蛋卷菜汤德国南部家鄕菜汤，够晒清淡好钟意！-松露忌廉肉丸肉丸新鲜生猪肉混牛肉搓制，配黑松露鲜忌廉汁。-红酒汁烧猪鞍传统德国家常菜，配西班牙谷饲猪鞍。-酸菜烟肉烧牛卷家传户晓德国菜，酸瓜中和左牛肉膻味，几有牛味，但酸瓜可以少啲！-德国黑麦啤烧鸡法国春鸡用十多款香料及德国麦啤腌制，送酒一绝用餐心情🌾：想喺市区揾个环境好嘅地方同朋友吹水饮啤酒好选择！星期五、六仲会有驻场Iive band 或者saxophone 表演，都几浪漫🌹 -为左响应一年一度九至十月举办既德国慕尼黑啤酒节，Bierhof就系7-8月自己餐厅做一个美食节推出左一系列既传统德国菜式，比大家一尝啤酒节既滋味！