渝味曉宇重慶老火鍋 (聚賢逸居) (已結業)

见听晚系母亲节，于是就早一晚带妈妈食好啲，去咗打边炉🍲。妈妈话佢好耐无打过边炉喇，所以都相当期待。我哋六点半钟去到，餐厅已经有几枱客食紧，去到七点几、八点直头要等位添！我前几日Book定西环店食，都系因为佢仲有位，其他分店已经Full了👏。餐厅采用QR code落单，因此无实体Menu。 首先，酱料／茶位费每人$20，每枱枱面均放有豉油同醋等酱料，唔使行嚟行去拎，方便👍。还未上菜前，店员已为我哋送上暖胃嘅红枣雪耳糖水😊，不过我硬系觉得佢系饭后食嘅，哈哈。另外，店员亦有不断为我哋添茶🍵。汤底方面，我哋要咗鸳鸯麻辣锅($38/位, 按人头计算)：🍅蕃茄汤拼🌶小麻小辣大红锅。呀妈话一场嚟到，要试下辣，不过依个辣锅对我来说有啲过火，所以我都系食返蕃茄汤算。依个蕃茄汤劲浓劲正🤤，我饮咗劲多，入面仲有唔少金菇。至于𩠌料方面，餐厅绝大部份项目都有得拣半份或者全份。我哋两个人食，所以全部都嗌咗半份，份量啱啱好😍，又可以食多几款。重庆炸酥肉($32)，我之前食福建菜好似食过...，而呢到嘅出品比较特别，因为落咗唔少花椒，所以食落麻麻的，几得意😜。刚刚炸起嘅时候，酥肉外皮超脆，建议要衬热食。鲜活海蛏($3