阿來泰式地道風味

营业中

休息中

原来旺角都有几正宗嘅泰式餐厅，正正就在先达对面的地舖，餐厅就咁望好似细细咁，但其实佢有两层，都坐到几多枱人，所以唔使等位就得啦。食物选择都算多，有小食、主菜、粉面饭乜都有。海南鸡饭：海南鸡饭系完全冇骨，肉都好鲜嫩，好滑，而且只鸡唔肥，连鸡皮都可以食得。油饭都整得几好味，酱汁都好有泰式风味， 而且好大碟，食完都好饱。马拉盏炒通菜：碟菜超级多，要两个人先食得晒。呢个马拉盏炒通菜辣辣地，好滋味。泰式小食拼盘：呢个拼盘一上枱就令我好surprise, 因为超大碟超丰富，上面有两旧虾饼、两旧鱼饼、两条春卷、四只鸡翼，样样都炸得好好味，尤其系虾饼同埋鸡翼，系我嘅至爱。最后叫埋个椰青饮，好鲜甜，食完呢餐觉得好满足。