百味川 (已結業)

今日去葵芳行街，又到食饭时间，行过呢间主打麻辣米线嘅米线店，睇睇餐牌，价钱都ok,所以就叫咗d小食同米线试吓。川香白肉，d五花腩唔算太肥，肥瘦分明，系厚切，食落好有口感，加埋佢地嘅秘制川香酱，好惹味，唔算太辣。香辣牛栢叶，牛栢叶都好爽口，牛栢叶吸收埋d辣汁一齐食，好开胃。麻辣牛魔王配淮山面，牛魔王分别有牛筋，牛肚同牛腩，牛筋好烟韧，牛肚同牛腩炆到好淋好入味，而淮山面吸晒d汤嘅味道，好好味。鸡尖，猪肠，猪排米线，中辣，d𩠌嘅份量都几多，鸡尖唔会炆到烂晒，仲好有咬口，猪肠炆到好淋，入埋味，而炸猪排系另外上，系即炸，上枱时热辣辣脆卜卜，几好食，个汤底都好正，够麻够辣，食完都唔觉得口渴。加8蚊有特饮，我地叫咗咸柠7，涷柠乐，咸柠同柠檬份量都几多，抵饮。