YAKINIKU KAKURA (Tower 535)

营业中

休息中

今日黎呢度出名食牛嘅烧肉店，紧系要全部都叫牛啦，我地就叫咗几款，每款都好好味。大判烧！黑毛和牛西冷呢块黑毛和牛西冷非常靓，脂肪分布均匀，店员会帮手帮我地烧，非常专业，唔会overcook，烧两边一阵就可以点埋佢地温泉蛋一齐食，入口即溶，牛味好香，非常淋滑，劲好食。葱盐味牛舌牛舌切得都几厚，食落好爽口弹牙，夹埋d葱食，好惹味。腹前小排切得都算厚，食落好juicy，有爆汁嘅感觉，牛味香浓，正。壶渍Kakura牛胸腹肉腌得好入味，个酱汁劲正，份量都几大件，食落都唔鞋，好淋，好味。黑毛和牛上肋骨中肉油脂感非常重劲香牛油香味，腌得好好味，唔使点任何酱汁，一咬落去个口充满油脂，劲正。黑毛和牛里腹牛柳呢件牛柳好靓，d雪花纹好均匀，唔算太肥，食落好淋，好重牛味，劲好食。