唯一雲貴川風味

营业中

休息中

见人地介绍左好多次既唯一云贵川风味人气米线，长期都要排队，今次终于嚟到荃湾觅食，咁就要试下呢间啦！佢呢间既酸辣系超强劲又浓郁，颜色浓得不见底，而腩肉本身带辣，肉质偏瘦，所以嗌唔辣配上腩肉都会带点辣。另外佢个炸酱好特别，肉碎粒粒分明，炒香又入味，有似像泰式生菜包肉碎。而个米线偏软身，而且吸汤算快，所以每啖都非常浓郁。价钱方面我觉得偏贵，因为连「酸辣」都要计一个配料收费，但胜在佢够大碗！不过店舖既座位较窄，大部分都系圆枱，所以要同其他人搭枱。而味道方面偏重同辣，如果唔食得辣既朋友建议走辣！环境卫生方面一般，因为果度既装修都比较旧式，所以坐得唔系咁舒服。