麻辣派 (已結業)

谂唔到有咩好食通常都会落左旺角先，今次揾到呢一间麻辣派，系食海鲜火锅嘅，我同朋友都好钟意食麻辣火锅，所以就忍唔住上黎尝鲜啦～叫咗海鲜锅任食，一上菜我哋都吓亲，成个海鲜山咁壮观，有两只蟹、6只虾、2条皇帝蟹柳、2只大扇贝、仲有一堆蚬，海鲜嘅新鲜程度我觉得OK，扇贝好肥美，皇帝蟹柳都好好食。我哋叫咗麻辣汤底同埋养生滋补汤底，个人比较钟意麻辣汤多啲，因为入边啲豆卜吸晒麻辣味超级正！煲入边嘅配料仲有好多冬瓜～养生滋补汤底个味唔够出，可能系因为我成个口都已经系麻辣味啦，哈哈！食完煲入边嘅嘢唔够嘅话，都可以出去外面夹野，就好似普通嘅任食打边炉一样，材料都系肠仔、蔬菜、腐竹、响铃、芋丝等等嘅打边炉材料。嘢饮都系可以任饮架，荔枝红茶同啤酒都好啱我饮～餐厅环境都几好，坐得舒服，埋单大约500蚊到（2人），下次会再带朋友黎食！