Layback Cafe & Bar (已結業)

今晚收工同朋友倾下近况，约咗喺尖沙咀一间比较隐蔽嘅楼上Cafe食晚饭。小店坐位都几多、而且仲有室外位置、依家依啲天气咁凉爽，坐户外露天真系唔错。不过去到已经无哂户外位喇。香蒜白酒露荀日本和牛粒烩扁意粉最喜欢嘅篇意粉我，点咗依个香蒜白酒露荀日本和牛粒烩篇意粉。露荀落得都几多，完全唔孤寒。日本和牛粒大约有半块牛扒嘅份量，牛肉香浓美味，香蒜白酒汁少少浓味，但配返扁意粉同一口和牛肉，味道又刚刚好。LAYBACK ALLDAY BREAKFAST 朋友点咗Allday Breakfast，食材都非常丰富。我偷食咗少少，炒蛋香滑，仲落咗松露油炒，好正。CHILL小食拼盘小食拼盘非常丰富，有紫薯饼、天妇罗炸虾、菠萝酿鸡翼同埋炸一口芝士。全部都即点即炸。我最喜欢菠萝酿鸡翼同紫薯饼，鸡翼吸收哂烧菠萝嘅甜味、紫薯饼入口充斥香甜紫薯味道。泡沫冰摇咖啡喜爱饮咖啡嘅我，夜晚都会照饮咖啡。冰咖啡经过摇晃之后，咖啡同空气融合，整个口感饮起嚟感觉更滑、香甜味更加明显。青苹果蜜桃沙冰朋友点嘅系青苹果蜜桃沙冰。我见都几大杯，卖相好靓，而且仲有青苹果肉同蜜桃肉作点缀，唔错呀。