影片
更多
2025-01-08
83 浏览
2024年12月11日 星期三今日难得早收工，就决定出去铜锣湾行下街，发现希慎广场地下果几层已经装修完成，仲多左好多餐厅进驻添，咁岩行到攰攰地就决定睇吓有咩好食见到呢一间餐厅卖嘅汉堡包好似几吸引，仲有唔少人帮衬添，所以就俾个机会佢试一试餐牌除咗汉堡包之外，都有其他食物选择，种类都唔少，可以加钱升级套餐有埋餐汤或者沙律同饮品，价钱都唔算太贵，最后拣左一个burger同一份意粉等咗大约15分钟食物就制作完成，见到个burger真系好大份，新鲜制作真系唔同啲，成个包热辣辣好足料，呢个系侯斯顿汉堡，除咗有安格斯牛肉之外，仲有大大块烟肉同蕃茄，加埋车打芝士简直系绝配，牛肉唔只肉汁多，仲完全唔韧，同芝士劲夹，加上烟肉嘅咸香味更加提升成个汉堡包嘅层次！！仲有配菜嘅薯条份量都唔少，每条都好厚身又够香脆呢个系升级套餐有既田园沙律，酸酸地几开胃，食完汉堡包先食仲可以消除油腻既感觉，菜都好新鲜至于餐汤有黑松露杂菌忌廉汤，同样地好足料，每啖都食到杂菌，仲有好香嘅黑松露味添，个汤一啲都唔稀，饮完之后暖笠笠最后有香蒜白酒蚬肉意粉，啲蚬多到铺满晒成个碟，每一粒蚬肉都好饱满，完全冇沙，意粉都煮得好弹牙，食埋之后真系好
今日难得早收工，就决定出去铜锣湾行下街，发现希慎广场地下果几层已经装修完成，仲多左好多餐厅进驻添，咁岩行到攰攰地就决定睇吓有咩好食
见到呢一间餐厅卖嘅汉堡包好似几吸引，仲有唔少人帮衬添，所以就俾个机会佢试一试
餐牌除咗汉堡包之外，都有其他食物选择，种类都唔少，可以加钱升级套餐有埋餐汤或者沙律同饮品，价钱都唔算太贵，最后拣左一个burger同一份意粉
等咗大约15分钟食物就制作完成，见到个burger真系好大份，新鲜制作真系唔同啲，成个包热辣辣好足料，呢个系侯斯顿汉堡，除咗有安格斯牛肉之外，仲有大大块烟肉同蕃茄，加埋车打芝士简直系绝配，牛肉唔只肉汁多，仲完全唔韧，同芝士劲夹，加上烟肉嘅咸香味更加提升成个汉堡包嘅层次！！
仲有配菜嘅薯条份量都唔少，每条都好厚身又够香脆
呢个系升级套餐有既田园沙律，酸酸地几开胃，食完汉堡包先食仲可以消除油腻既感觉，菜都好新鲜
至于餐汤有黑松露杂菌忌廉汤，同样地好足料，每啖都食到杂菌，仲有好香嘅黑松露味添，个汤一啲都唔稀，饮完之后暖笠笠
最后有香蒜白酒蚬肉意粉，啲蚬多到铺满晒成个碟，每一粒蚬肉都好饱满，完全冇沙，意粉都煮得好弹牙，食埋之后真系好饱！！
张贴
