金華美食

营业中

休息中

呢间长沙湾嘅小食老店，位置绝对唔便利，门店都绝对唔起眼，但绝对唔简单！长期放工时间都keep住人笼排队。佢只不过系简单卖d鱼蛋烧卖肠粉小食，食过好几次都保持到水准.辣陈皮鱼蛋 $7 🌶🌶🌶- 辣汁辣到真系飞起，但愈辣就愈想继续食，佢算系慢慢渗出黎嘅辣，同持续都几耐😆但劲辣之余又唔会冇左鱼味，仲劲弹牙。自问食得辣嘅朋友真系要黎挑战下啊！烧卖 $7 - 必食之选。非常烟韧，基本上食过嘅鱼肉烧卖黎讲佢算系第一喇。但唯一缺点系，小店嘅卫生环境其实都几麻麻，但对于传统旧式小店，个人认为都接受到嘅！老板每日风雨不改都会开铺，系好有性格嘅老板！ 希望大家也可支持更多此类型小店，勿让小店消失啊😭