影片
更多
2009-11-14
6 浏览
同两位朋友仔打炉，即刻推介呢度！宁记刚开业我已经系常客，天气冻时一个月都有一两次，任食火锅人多人少都啱！但好明显唔同铺食物质量系有好大分别，时至今日，由本来四五间铺得返(好似)三间，毕竟香港人系要新鲜感，新嘅对手小肥羊/谭鱼头等强敌围攻，加上佢质素唔稳定，系好赶客。之但系，偏好辣食的我觉得佢呢个价其实香港选择唔多，所以一直捧场，虽然...佢嘅辣...比起刚开业时确系轻手左好多倍！铜锣湾店搬铺后第二次帮趁啦，新铺比旧铺比干净又好坐，够光猛够通风，good~~侍应制服更清洁整齐，招呼更细心周到，系有再培训的，潮流兴升呢~~做海鲜酒家，即系有埋晚饭小菜，唔一定要打炉，不过，我冇兴趣。七时朋友仔准时到，我叫开台湾麻辣同津白豆腐，一清一浓，朋友仔钟意香茜皮蛋多D，又得啫！任食黎讲呢度系好新鲜同几多选择，当中劲推牛展，又淋又入味，索完麻辣好正！一碟八片我一个例扫两碟！肥牛其实唔肥，但我钟意，最紧要新鲜！另鲜虾滑、牛滑同墨鱼滑都系任点，弹牙好味！鱼片就一般，朋友话唔够新鲜。牛骨髓好滑，炸鱼片松脆，菜够多款又新鲜，玉米五分钟食得劲爽甜！豆腐够滑！一般猪肉片滑牛羊肉片鲜鸡件鳝片豆卜萝白茹菇类咩都有。连谭
宁记刚开业我已经系常客，天气冻时一个月都有一两次，任食火锅人多人少都啱！但好明显唔同铺食物质量系有好大分别，时至今日，由本来四五间铺得返(好似)三间，毕竟香港人系要新鲜感，新嘅对手小肥羊/谭鱼头等强敌围攻，加上佢质素唔稳定，系好赶客。
之但系，偏好辣食的我觉得佢呢个价其实香港选择唔多，所以一直捧场，虽然...佢嘅辣...比起刚开业时确系轻手左好多倍！
铜锣湾店搬铺后第二次帮趁啦，新铺比旧铺比干净又好坐，够光猛够通风，good~~
侍应制服更清洁整齐，招呼更细心周到，系有再培训的，潮流兴升呢~~
做海鲜酒家，即系有埋晚饭小菜，唔一定要打炉，不过，我冇兴趣。
七时朋友仔准时到，我叫开台湾麻辣同津白豆腐，一清一浓，朋友仔钟意香茜皮蛋多D，又得啫！
任食黎讲呢度系好新鲜同几多选择，当中劲推牛展，又淋又入味，索完麻辣好正！一碟八片我一个例扫两碟！肥牛其实唔肥，但我钟意，最紧要新鲜！另鲜虾滑、牛滑同墨鱼滑都系任点，弹牙好味！鱼片就一般，朋友话唔够新鲜。牛骨髓好滑，炸鱼片松脆，菜够多款又新鲜，玉米五分钟食得劲爽甜！豆腐够滑！一般猪肉片滑牛羊肉片鲜鸡件鳝片豆卜萝白茹菇类咩都有。
连谭鱼头名物水晶包最近居然都有，冇奶皇但有豆沙、莲蓉同素菜3款，试咗豆沙，好味！
鲜虾加14蚊有七只，唔算大只但爽甜！钟意嘅亦可以加$$点三文鱼、象拔蚌等海鲜，唔算贵。
不过今次冇点任何海鲜，剩系汤底加3位人头茶芥加一每人实收HK$140，我地七点坐到十点，有好多部电视，我个friend仲睇埋剧集至走，夜晚仲有波睇！
当晚少少爆场但唔见人等位，冇熄炉赶客(平日呀，假日唔敢讲)，咁嘅价钱咁多选择质素ok招呼唔错，夫复何求？！
虽然冇咗20 coupon送，但我会继续帮趁，如果任点𠮶个菜单可以keep住有新o野就更好！
张贴