香港達人 (新翠商場) (已結業)

叫咗海南鸡米粉，一杯热奶茶，一试之下，火都嚟！完全违反左「商品说明条例」，白切鸡就白切鸡，讲咩系海南鸡。不只卖相差，海南鸡真系好难食，无味，啲肉劲老，仲要鸡皮有劲厚既脂肪，1/3 鸡皮 2/3 鸡肉，好唔容易先吞咗一旧落肚最后食咗啲米粉算，一如所料，个汤只系用滚水整，完全冇味，第一次食甘难食既切鸡米，呢一餐系我今年食过最难食既下午茶最后想饮杯野饮安慰下自己，点知又中伏，奶茶好淡，无茶味冇奶味，而我不知道这是一杯奶茶。总括今日既食评：非常差，我日后一定唔会再帮衬！！