影片
更多
2022-05-03
167 浏览
男朋友生日，请佢食餐好去庆祝吓，我拣咗带佢嚟呢间食Omakase 。我哋拣咗套餐：心。前菜：白子，萤光鱿鱼，松叶蟹水云摆盘好靓。白子系炸嘅，好香口，内里嫩滑creamy ，冇生食个样咁核突，容易入口。萤光鱿鱼好好味。水云爽滑，味道微酸配上松叶蟹肉，好开胃。刺身五款野生九绘鱼，石班科，味道少少烟韧，呢种鱼冇乜鱼油，味道较为清淡，配上紫苏叶嘅花瓣去食，好有花香味，在沾上辣椒豉油有提味效果。赤牡丹虾，虾子，虾头第二种刺身，同样摆盘好靓，靓到唔舍得食。赤牡丹虾大只，爽滑好有鲜味，上面有啲虾膏，师傅用火枪轻轻烧过，非常甘香，最上面嘅有啲虾子，层次好丰富，插在上面嘅系柚子花蕾，呢个花唔食得但系闻起上嚟有股清香。虾头师傅就炸到成只好香脆，成只都食得，好有虾味，但食嘅时候要小心啲虾爪嘅短刺。沙甸鱼呢个沙甸鱼用紫菜卷到成个花卷咁，沙甸鱼上边洒咗啲芝麻，食落去好香口。长崎中拖罗上面放咗海胆，然后洒咗少少淡雪盐，用紫菜包住食，超正。紫菜师傅用火枪烧过，特别香脆，中拖罗鱼有丰富入口溶化，海胆亦都鲜甜，淡雪盐带出鲜味。 紫海胆首先食咗好得意𠮶只炸泽蟹先，河蟹仔系即时师傅捉去炸，好新鲜。然后再食上面嘅caviar
前菜：白子，萤光鱿鱼，松叶蟹水云
摆盘好靓。白子系炸嘅，好香口，内里嫩滑creamy ，冇生食个样咁核突，容易入口。萤光鱿鱼好好味。水云爽滑，味道微酸配上松叶蟹肉，好开胃。
刺身五款
野生九绘鱼，石班科，味道少少烟韧，呢种鱼冇乜鱼油，味道较为清淡，配上紫苏叶嘅花瓣去食，好有花香味，在沾上辣椒豉油有提味效果。
赤牡丹虾，虾子，虾头
第二种刺身，同样摆盘好靓，靓到唔舍得食。赤牡丹虾大只，爽滑好有鲜味，上面有啲虾膏，师傅用火枪轻轻烧过，非常甘香，最上面嘅有啲虾子，层次好丰富，插在上面嘅系柚子花蕾，呢个花唔食得但系闻起上嚟有股清香。虾头师傅就炸到成只好香脆，成只都食得，好有虾味，但食嘅时候要小心啲虾爪嘅短刺。
沙甸鱼
呢个沙甸鱼用紫菜卷到成个花卷咁，沙甸鱼上边洒咗啲芝麻，食落去好香口。
长崎中拖罗
上面放咗海胆，然后洒咗少少淡雪盐，用紫菜包住食，超正。紫菜师傅用火枪烧过，特别香脆，中拖罗鱼有丰富入口溶化，海胆亦都鲜甜，淡雪盐带出鲜味。
紫海胆
首先食咗好得意𠮶只炸泽蟹先，河蟹仔系即时师傅捉去炸，好新鲜。然后再食上面嘅caviar同埋矜贵嘅金箔,然后再食主角原只季节性嘅紫海胆，呢只海胆味道比较淡啲，食多都唔会好腻。
蒸炸金鲷
今日嘅熟食料理系金鲷鱼，鱼鳞炸到卜卜脆，好似花瓣咁，鱼肉就系以蒸嘅方式做，好有鱼鲜味，好滑，伴碟嘅日本南瓜蓉好清甜。
食完之后抖抖，就到寿司。次序由下图左至右，上至下咁睇）
清心悬平静鱼
口感弹口，油甘鱼科，油份不重，微甜，师傅握得寿司饭好好，唔太实，又唔会松散。
金目鲷
呢款鱼较平静鱼鱼味浓啲，油份重d，食埋鱼皮下嘅脂肪。
赤睦鱼
鲈鱼科，师傅炙烧过带出鱼油，鱼油甘香，好油润，连埋少少生蒜食，好香好惹味。
大拖罗
超肥美，油份极重，入口即溶，食到舔舔脷。
右口鱼
炙烧后入口即溶，鱼油超香，再配上白松露，好享受。
赤海胆
秋山水产，好甜，爆多海胆，超邪恶。
白海胆
呢个师傅请我地食，呢种海胆系高级d海胆，重海胆味，口感细腻，超钟意。
鱼汤
呢个鱼汤超鲜甜，而且热辣辣，食完寿司之后饮热汤好舒服。
宫崎赤蜜瓜，日本蕨饼，朱古力雪糕
甜品嘅presentation都好靓，蜜瓜香甜，朱古力雪糕香滑，唔会太甜，为我哋今餐画上完美句号。
张贴
