影片
更多
2016-10-05
3857 浏览
得知大满屋消夜时段两位同行，第二位＄88 ，当然要拉埋朋友一齐嚟试下。起初以为平日消夜时段应该唔会太多人，唔驶等位挂，结果去到餐厅门口见到已经大排长龙，人人都等紧入座。到咗9：30，餐厅经理就好快安排座位俾我哋呢班心急等开餐嘅人，非常有效率。 坐低后，感觉自己唔似身处放题餐厅，因为呢间餐厅嘅楼底好高，而且大部份座位都系卡位，空间感十足，不论多人、小人一齐坐低倾计食嘢都比较方便同舒适。餐厅嘅食物种类非常多元化，一般日式放题餐厅有嘅食物选择佢都有，但食物质素就较其他餐厅高。钟意食刺身嘅我，当然要把握时间即刻拎张order纸mark低想食啲咩，点知，侍应就同我讲，话唔需要划，佢转头会安排一盘刺身攞过嚟。结果，一盘重量级嘅刺身就出现系我面前😍刺身款式多元化，有海胆、希灵鱼、油甘鱼、剑鱼腩、八爪鱼、三文鱼、带子、仲有我最爱嘅甜虾添！甜虾超大只，而且好新鲜！刺身果然足料，绝无欺场！至于炸物，个人最钟意食芝麻鸡翼，鸡翼炸得够香脆，外面洒上芝麻，咸中带少少甜味同芝麻香味，真系无得输！至于榴梿炸弹，一听个名就已经觉得吸引，外皮炸得香脆烟韧，一咬开外皮，流心榴梿香味即刻涌晒出嚟，味道唔会太甜，食多几旧都O
坐低后，感觉自己唔似身处放题餐厅，因为呢间餐厅嘅楼底好高，而且大部份座位都系卡位，空间感十足，不论多人、小人一齐坐低倾计食嘢都比较方便同舒适。
餐厅嘅食物种类非常多元化，一般日式放题餐厅有嘅食物选择佢都有，但食物质素就较其他餐厅高。
钟意食刺身嘅我，当然要把握时间即刻拎张order纸mark低想食啲咩，点知，侍应就同我讲，话唔需要划，佢转头会安排一盘刺身攞过嚟。结果，一盘重量级嘅刺身就出现系我面前😍刺身款式多元化，有海胆、希灵鱼、油甘鱼、剑鱼腩、八爪鱼、三文鱼、带子、仲有我最爱嘅甜虾添！甜虾超大只，而且好新鲜！刺身果然足料，绝无欺场！
至于炸物，个人最钟意食芝麻鸡翼，鸡翼炸得够香脆，外面洒上芝麻，咸中带少少甜味同芝麻香味，真系无得输！至于榴梿炸弹，一听个名就已经觉得吸引，外皮炸得香脆烟韧，一咬开外皮，流心榴梿香味即刻涌晒出嚟，味道唔会太甜，食多几旧都OK！
另外，黑松露三文鱼腩寿司都好正，鱼够肥美，仲配埋矜贵嘅黑松露酱，而且寿司饭唔系白醋饭，系油渍饭，食嘅时候根本唔需要再点酱油。
黄金虾亦唔错，虽然睇得出佢唔系鲜虾，但胜在肉质爽口，而且成只虾都被蛋黄包著，食起嚟有咸香嘅味道，仲覆盖左雪藏味。
张贴
