影片
更多
2023-05-29
203 浏览
醉胡炉其实都去过好几次，约脚食饭又想打边炉通常都会拣呢度，地点好似远少少，其实都只系近韩国街呢边，舒服好坐，仲可以book包厢，私隐度高。➤胡椒猪肚花胶鸡汤头劲甜！汤底预先放入猪肚 咸菜，唔油亦好甜，未打边炉都已经比我饮咗两碗。鸡同埋花胶系另外上菜，煮到大概七成熟，轻轻煮几分钟就一定包嫩，而花胶亦都唔会溶晒。最紧要冇落味精，好真材实料，因为全日食完我都唔觉得口渴。➤胡炉十二道牛盛盒摆盘好靓仔，打卡一流😂。份量够哂4人份量，可以一次食晒12款牛。十二中，有赤身亦有和牛，想食牛味浓定系油脂重嘅都有。当中有啲系小见嘅，坑爪 边爪，坑爪系牛既前胸，肋骨间既牛柳，有啲似牛腩。边爪，牛腩边肌肉，爽口得嚟有油脂。如果讲油脂咁最重，最淋身一定系飞驒牛 ，牛颈脊嘅肉味最浓。如果最钟意食，反而系牛舌同埋花雕牛，单点嘅话一定拣佢！➤五宝丸拼盘佢哋嘅丸全部都系手打，如果想每款都试吓，真系嗌呢个。其实都好好食，最惊喜系梅菜肉丸，超弹牙，加埋甜甜地嘅梅菜感觉好得意。另外松露墨鱼丸好香黑松露味，虾丸牛肉丸水准之上。➤五宝饺拼盘 另外都有私下佢哋嘅饺子，全部都系自家制，有韭菜饺 豚肉饺 云吞，另外有特别嘅松露蟹肉饺，
➤胡椒猪肚花胶鸡
汤头劲甜！汤底预先放入猪肚 咸菜，唔油亦好甜，未打边炉都已经比我饮咗两碗。鸡同埋花胶系另外上菜，煮到大概七成熟，轻轻煮几分钟就一定包嫩，而花胶亦都唔会溶晒。
最紧要冇落味精，好真材实料，因为全日食完我都唔觉得口渴。
➤胡炉十二道牛盛盒
摆盘好靓仔，打卡一流😂。份量够哂4人份量，可以一次食晒12款牛。十二中，有赤身亦有和牛，想食牛味浓定系油脂重嘅都有。当中有啲系小见嘅，坑爪 边爪，坑爪系牛既前胸，肋骨间既牛柳，有啲似牛腩。边爪，牛腩边肌肉，爽口得嚟有油脂。
如果讲油脂咁最重，最淋身一定系飞驒牛 ，牛颈脊嘅肉味最浓。如果最钟意食，反而系牛舌同埋花雕牛，单点嘅话一定拣佢！➤五宝丸拼盘
佢哋嘅丸全部都系手打，如果想每款都试吓，真系嗌呢个。其实都好好食，最惊喜系梅菜肉丸，超弹牙，加埋甜甜地嘅梅菜感觉好得意。另外松露墨鱼丸好香黑松露味，虾丸牛肉丸水准之上。
➤五宝饺拼盘
另外都有私下佢哋嘅饺子，全部都系自家制，有韭菜饺 豚肉饺 云吞，另外有特别嘅松露蟹肉饺， XO酱虾饺，每款都唔同包法，最钟意食喺XO酱𠮶款，好爽口而且带xo 嘅辣。
➤蔬菜篮
➤竹蔗茅根/荔枝梳打
已经过咗任饮任食嘅年纪，有阵时真系想坐得舒舒服服食啲靓啲嘅嘢，都帮衬过好几次，每次都冇令我失望，价钱虽然唔系平，但系一定有质素保证，每次都食得好开心。
张贴
