影片
更多
2021-10-25
103 浏览
有时开心或者唔开心都想食好啲，今日介绍呢间餐厅真系好高质，好享受嘅一餐，有种唔舍得结束嘅感觉，食完劲满足☺️☺️佢嘅omakase真系好吸引，不过我哋又想食啲其他嘢，所以决定散叫。嚟得佳牛美酒，梗系少不免要点杯酒饮同埋食啲靓牛😍季节前菜拼盘，$78呢个一定要点呀，我见omakase 都有包嘅，三小碟前菜好吸引。一款系鲍鱼，佢冇落好重味去煮，保留咗鲍鱼嘅鲜，上面有啲纳豆同类似啫喱嘅物体，食落咸咸地好特别。而我最钟意嘅系冲绳生蚝，佢嘅蚝味好香好重，食完有余香☺️北海道天使虾刺身，$88呢个刺身本身加咗酸酸甜甜嘅汁，劲开胃，加埋簿切嘅洋葱同萝卜，好好味，食再多都唔够。炭烧西京银雪鱼，$198银雪鱼烧得好香呀😍层皮脆嘅，肉则非常嫩，油脂嘅香味令人垂涎三尺，配上自家制嘅白汁，好match，呢个真系好值得试。和牛稀有部位盛合，$498稀有部位盛合有4种唔同嘅部位，而且系唔同嘅牛，印象最深刻当然系日本M5牛三角肩，一啖咬落去，真系唔舍得吐落去，好正。澳洲和牛牛小排都好好味，香气扑鼻。另外仲有牛胸腹，油脂味好香，同埋牛舌，口感爽嫩。清酒店员推荐咗一款清酒俾我哋，配牛同鱼都好正，好易入口，好纯，饮得出淡淡嘅米
有时开心或者唔开心都想食好啲，今日介绍呢间餐厅真系好高质，好享受嘅一餐，有种唔舍得结束嘅感觉，食完劲满足☺️☺️
佢嘅omakase真系好吸引，不过我哋又想食啲其他嘢，所以决定散叫。嚟得佳牛美酒，梗系少不免要点杯酒饮同埋食啲靓牛😍
季节前菜拼盘，$78
呢个一定要点呀，我见omakase 都有包嘅，三小碟前菜好吸引。一款系鲍鱼，佢冇落好重味去煮，保留咗鲍鱼嘅鲜，上面有啲纳豆同类似啫喱嘅物体，食落咸咸地好特别。而我最钟意嘅系冲绳生蚝，佢嘅蚝味好香好重，食完有余香☺️
北海道天使虾刺身，$88
呢个刺身本身加咗酸酸甜甜嘅汁，劲开胃，加埋簿切嘅洋葱同萝卜，好好味，食再多都唔够。
炭烧西京银雪鱼，$198
银雪鱼烧得好香呀😍层皮脆嘅，肉则非常嫩，油脂嘅香味令人垂涎三尺，配上自家制嘅白汁，好match，呢个真系好值得试。
和牛稀有部位盛合，$498
稀有部位盛合有4种唔同嘅部位，而且系唔同嘅牛，印象最深刻当然系日本M5牛三角肩，一啖咬落去，真系唔舍得吐落去，好正。澳洲和牛牛小排都好好味，香气扑鼻。另外仲有牛胸腹，油脂味好香，同埋牛舌，口感爽嫩。
清酒
店员推荐咗一款清酒俾我哋，配牛同鱼都好正，好易入口，好纯，饮得出淡淡嘅米味，好香，一啖一杯都冇问题。果然系佳牛美酒，真系好满意。
食完最后有个雪糕做甜品，竟然系姜味雪糕，真系好正呀，食完真系好想问店员可唔可以要多份🤣🤫劲享受嘅一餐饭，环境舒服，服务又劲好，饮完杯酒会主动帮我加，每碟菜上嚟只要我问，佢都会详细介绍，感觉受到重视，以后一定会再去😌
张贴
