影片
更多
2022-08-21
751 浏览
兰桂坊劲chill嘅weekend brunch，比酒店放题更啱我，劲长嘅沙律吧，好好味嘅芝士同冻海鲜，仲有香港top 2嘅pizza，另外main 都好好味呀，仲有我最钟意嘅甜品同酒，真系想每个礼拜六日都约人去食😍😍佢$448，包一个main，其他任食，pizza唔系主食，所以可以随便叫，好后悔无叫多款嚟食，不过唔紧要，一定有下次🤩仲可以加钱任饮红白气酒，我见在场嘅几乎个个都加，无理由唔加㗎。必食推介izza--平时食自助餐或者放题好少会食pizza，因为好快饱，但系呢度嘅pizza可以放心食，佢劲薄，而且系香港top 2嘅pizza，一定要试，我见每张枱都至少叫一个🤩佢有几款口味，即叫即整，好快就整好，好香好脆，两个人食完一个完全冇难度，想叫第二个嘅时候又够钟食甜品，所以放弃咗🥺冻海鲜--比之前食过某些五星级酒店冻海鲜更高质，尤其系螺，大只之余仲要劲弹牙，龙虾都好多膏好正，而且酱汁又多款，最好味系cocktail酱，酸酸甜甜，正。沙律吧--至少有十几款沙律，好多都系我未食过嘅嘢，所以我每款都攞少少嚟试，大部分都系我钟意嘅味道🤩南瓜、红菜头、火箭菜、broccolini、仲有太多太多
佢$448，包一个main，其他任食，pizza唔系主食，所以可以随便叫，好后悔无叫多款嚟食，不过唔紧要，一定有下次🤩仲可以加钱任饮红白气酒，我见在场嘅几乎个个都加，无理由唔加㗎。
必食推介:
pizza--平时食自助餐或者放题好少会食pizza，因为好快饱，但系呢度嘅pizza可以放心食，佢劲薄，而且系香港top 2嘅pizza，一定要试，我见每张枱都至少叫一个🤩佢有几款口味，即叫即整，好快就整好，好香好脆，两个人食完一个完全冇难度，想叫第二个嘅时候又够钟食甜品，所以放弃咗🥺
冻海鲜--比之前食过某些五星级酒店冻海鲜更高质，尤其系螺，大只之余仲要劲弹牙，龙虾都好多膏好正，而且酱汁又多款，最好味系cocktail酱，酸酸甜甜，正。
沙律吧--至少有十几款沙律，好多都系我未食过嘅嘢，所以我每款都攞少少嚟试，大部分都系我钟意嘅味道🤩南瓜、红菜头、火箭菜、broccolini、仲有太多太多瓜菜，以为沙律得菜？咁就错啦，仲有烟三文鱼、烟熏吞拿鱼、鱿鱼、虾、八爪鱼等等嘅沙律，仲有啲真系唔知系咩菜嘅我都有试呀，有一款鱼以前旅游节目见人介绍过，真系劲丰富，好开心可以食到平时好少机会接触嘅嘢☺️
芝士--有几款芝士都好好味，本身比较钟意软身少少嘅芝士，除咗blue cheese同黑松露芝士，佢连车打芝士都系偏软身㗎，啱晒我☺️
主食--我哋好迟先叫主食，唔想太滞，最后拣咗慢煮鸡胸同煎三文鱼。呢块鸡胸一定系我食过最滑嘅鸡胸，真系好想知点样可以煮到咁嫩滑。而三文鱼都煎得好好味，层皮劲脆，加埋好特别嘅橙色酱，好好味。
甜品--呢度嘅甜品都好吸引呀，仲有我最钟意嘅tiramisu 🤩🤩食完一大旧又忍唔住去攞多旧🤭朱古力蛋糕劲重朱古力味，而且入面真系有香蕉，好好味。仲有芝士蛋糕，都好想食多件，但系佢每件都太大旧，唔敢再攞🤣
酒水--佢好在有几款酒拣，我哋先试咗一杯cocktail同一杯mocktail，两杯都好好饮，酒精浓度唔会太重，又唔会太甜，啱晒女仔饮。另外仲饮咗几杯气酒，好易入口，红白酒就冇试啦，下次试完再话俾大家知啦。
发现大部分嘢都系必食推介😆真系要好似我咁食得嘅人先可以试晒咁多样嘢。唯一我食唔惯嘅系啲腌制嘅嘢，例如红辣椒包住橄榄，因为唔知要点食，我直接咬咗一啖，好咸😂至于其他食物，我都好满意。
我𠮶日系full booking嘅，12点先开，但未够钟已经劲多人系出面等紧入去，睇嚟大家都好识叹，美酒佳肴，气氛好好，下次要约埋闺蜜去食先得☺️☺️
张贴
