大餃子 (已結業)

图书馆终于开返✌🏻，今日带两个小朋友去中央图书馆温书，到夜晚六点几，两个梗系唔肯返屋企食饭啦😆难得有街去！我就近近地带咗佢哋去，有食街之称嘅渣甸坊觅食，见到呢间大饺子门面光鲜，一于就选择佢。两个兴奋到不得了，终于有得去街街，唔使日日食妈妈煮嘅𩠌菜了！✨煎韭菜猪肉饺子 10只～食材最紧要就系新鲜，睇到师傅喺隔离一路包，就知道佢哋嘅食材系每日新鲜制造👍，连饺子皮都好弹牙，特别好食😋✨饺子加酸辣汤～太好食～又系韭菜饺子😆～酸辣汤材料有葱花、猪红、冬菇丝、笋丝、木耳丝、蛋丝，非常丰富，啖啖都食到真材实料，而且唔会整得太杰，加埋新鲜嘅饺子，非常合拍。原条油条+白粥～简简单单嘅白粥都不一样，粥底绵滑，配上香脆嘅油条，好有儿时嘅味道❤️店家好nice，仲同我两个合照添😄一定系本身都好爱锡小朋友👍