影片
更多
2014-05-26
5078 浏览
朋友介绍金丼放题，即管黎试试啦。哗 ﹗平都您唔信，闲日任饮任食都只系百二蚊，黄金时段都二百蚊有找。点解叫铁板和风呢？完全见唔到有铁板架㖞？餐厅入口都几隐蔽㖞，商场又指示不足，我都系逛左阵碰运气先揾到乍。见 receiption 虽小，但入到里面好宽敞㖞。抽气同空调都好够，眼见枱枱都火锅中都唔会话太大烟或味道太过浓烈。我仲以为系第一个到添，原来已经有班朋友仔到左喇，已经坐定定 order 中。哗 ﹗全枱都系女㖞，真开心，哈哈。拣个靓位先，我都要起动喇 ﹗真奇怪，张垫枱纸少左铁板两只字既？都好多款菜色拣㖞，但刺生得 10 款就有点失望喇 ﹗火锅汤底有五六种，火锅生料就普通左少少，大部份都系丸同菜。炸物、串烧唔少得啦，仲有乌冬、拉面炒饭咁，最搞笑连川式凉伴、干扁四季豆、辣鸡煲都有。粥粉面饭我都唔会考虑，包括寿司，食左唔洗食其他野喇 ﹗海虾，大路正常，味道都够鲜甜，如果能爽口啲就更好。肥牛，还可以啦，我较喜欢食肥美既新鲜手切牛颈脊。辣鸡煲，哈哈 ﹗味道都几甜架㖞，唔觉有辣味。雪藏鸡都系咁上下啦，唔难食，点豉油 ok 既。萝卜好老㖞，有渣又唔够甜。黎多个又系辣鸡煲？﹗我系叫猪肚鸡煲㖞，又黎多个辣
餐厅入口都几隐蔽㖞，商场又指示不足，我都系逛左阵碰运气先揾到乍。见 receiption 虽小，但入到里面好宽敞㖞。抽气同空调都好够，眼见枱枱都火锅中都唔会话太大烟或味道太过浓烈。我仲以为系第一个到添，原来已经有班朋友仔到左喇，已经坐定定 order 中。
哗 ﹗全枱都系女㖞，真开心，哈哈。拣个靓位先，我都要起动喇 ﹗真奇怪，张垫枱纸少左铁板两只字既？都好多款菜色拣㖞，但刺生得 10 款就有点失望喇 ﹗火锅汤底有五六种，火锅生料就普通左少少，大部份都系丸同菜。炸物、串烧唔少得啦，仲有乌冬、拉面炒饭咁，最搞笑连川式凉伴、干扁四季豆、辣鸡煲都有。粥粉面饭我都唔会考虑，包括寿司，食左唔洗食其他野喇 ﹗
海虾，大路正常，味道都够鲜甜，如果能爽口啲就更好。肥牛，还可以啦，我较喜欢食肥美既新鲜手切牛颈脊。
辣鸡煲，哈哈 ﹗味道都几甜架㖞，唔觉有辣味。雪藏鸡都系咁上下啦，唔难食，点豉油 ok 既。萝卜好老㖞，有渣又唔够甜。黎多个又系辣鸡煲？﹗我系叫猪肚鸡煲㖞，又黎多个辣鸡煲，入错单啦，唉。
清酒煮蚬，煮过龙啦，蚬熟到不得了，又干又靭，无味既？﹗无蚬味亦无酒味。再黎清酒煮蚬，刚才𠮶碗好唔掂，叫多碗试真啲，比多次机会您啦。依碗好少少喇，无刚才咁靭，较饱满，食落都仲有少少蚬味。但一样完全无清酒既味道，亦无任何香菜味道，仲好甜添，只系有日本甜豉酒味啰，到底知唔知清酒煮蚬系点煮架呢？
蒜香牛柳粒，廿十成熟既牛柳粒，蒜味浓郁，都唔算太过干硬既，可以接受，真系好似系超市买既五香牛肉粒噃。应该都系一早炒定架喇，暖暖地捞个炸蒜蓉就上枱啰。
鲭花鱼，鲭花鱼本身鱼味浓，所以简单既烹调已经好好味 ﹗烧得唔错，淡淡咸味带点肉汁，皮就有点韧，合格。如果跟个日式专 for 鱼既酸汁就更正，比用鲜柠檬更好。
盐烧三文鱼头骨腩，头就完全见唔到喇，旧旧都系骨腩。连埋鱼鳍一齐烧好多骨呀，点解唔切走去呢？无咩味道，质数一般，做椒盐会更好。第 2 碟盐烧三文鱼头骨腩，比之前𠮶碟好少少，无咁油腻，不过依旧无味。串烧味淋鱼肝，第一吓咬落去硬到咬唔开，要大大力咁扯啰。甜甜地又咽咽韧韧，一般啦。大家估黎估去都谂唔到依碟系咩黎啰 ﹗鱼肝？肝点解有尾又有鳍既？串烧？无野穿住架㖞，劲搞笑啰 ﹗应该系打错字啦。
酱爆带子，好可怕 ﹗又咸又涩，咩黎架？大量洋葱丝一齐炒，大家都放弃。三文鱼、甜虾、墨鱼、长脚蟹棒、鲷鱼、马刀贝，睇黎刺生系最稳阵既项目，虽然只有 10 款可选。三文鱼，软滑微甜，合格。鲷鱼、甜虾、马刀贝太淡无咩鲜味。最好味又新鲜反而系墨鱼㖞，黏口又弹呀 ﹗蟹棒最差，味道死实假到不得了 ﹗又湿又散，似大陆蟹柳。八爪鱼、仿鲍片，无味道的。
希灵鱼，一般啦。海胆刺生，腥腥地㖞，紫菜腍劈劈通晒风既。点解唔系 menu 上面架？点 order 到架？再黎多次海胆刺生，刚才得一板唔够分，黎多两板试真啲啦 ﹗唔系讲笑，真系有点腥，应该系品种问题。海胆刺生，到最后大家都唔想食，无紧要 ﹗我挨义气食埋去，唔想浪费食物。少少腥啫，还可以既。
鳗鱼寿司、北寄贝寿司、三文鱼寿司，我无打算叫寿司食架，但朋友仔坚持，咁我求其叫少少，3 款共 15 件啦 ﹗无人食，又要挨义气食埋去 ﹗饭粒质感免强接，唔系太黏太烂，但系寿司醋味欠奉。三文鱼、鳗鱼都还可以，系系北寄贝无味。北寄贝寿司，唔难食，入到口既。
火炙蟹棒寿司，不吃也罢。火炙三文鱼，一试无妨。最大问题都系寿司饭啰，唔系好得。溏心玉子，大家异口同声话熟蛋黎架㖞 ﹗又系无味既？点解今晚咁多道菜都无味架？就算系上面洒左蟹籽，淋埋酱油都系救唔翻。芝麻豆腐，胡麻酱豆腐？依个稳阵喇 ﹗豆腐嫩滑有豆香，胡麻酱开胃，满意 ﹗
枝豆，用盐水烚一烚，无问题啦，几好食。麻酱蕃茄，依个都一样够稳阵 ﹗蕃茄新鲜多汁，配上香口麻酱，Good ﹗一口炸豆腐，面头𠮶啲应该系七味粉，但依道菜照样无味，点解唔整椒盐呢？口感就外层内嫩。
炸芝士年糕，甜甜地热辣辣，几好 ﹗系芝士太少啫。南瓜天妇罗，微甜南瓜，味道不俗。蕃薯天妇罗，炸得松脆，外面脆而裸面软棉，甜甜地好食。海老天妇罗，实在太多粉喇 ﹗硬屈屈 ﹗又要去左个人造壳先食里面只虾，无味既虾呢。脆炸饺子，依个真系唔错 ﹗炸得好香口，里面仲依然充满肉汁，好味道 ﹗脆炸紫菜鸡，我觉得太浓太浊，已盖过鸡既味道，不过有朋友仔钟意食噃。惹味爆虾米，厚厚既一层炸粉再上面饱糠，里面包住一只虾，我个人不太喜欢。
串烧日本甜薯，依个 Good ﹗口感软棉湿润又热辣辣，微甜清新，好 ﹗碳烧鸡肉串，酱多得太夸张喇，成个口都系酱，而且好甜，唔太食到鸡肉味道啰，鸡肉腍劈劈。烧萝菠，大家都好钟意，但我对甜野麻麻地。烧牛油粟米，依个几好味㖞，反而朋友仔觉得太油啰。
日式蟹皇翅，我一见到就想试试喇，另两位朋友又有兴趣㖞，咁就前后三碗啦。个翅个样怪怪地既？滴汗中。我地三个一齐试第一啖，同一时间放低，算喇 ﹗食其他 ﹗碗里面除液体外，只要少量金菇，都几难饮吓，味道似日本酱油沟水，仲有少少菇菌类既蹹味，一啖致命 ﹗
海草叉烧拉面，都唔知边个 order 既，放左好耐都无人试头，格硬屈我食 ﹗我食无紧要，我个胃大把空间。都唔知系咪老板见我地咁食得，专登整碗乌冬过黎既 ﹗海草叉烧拉面，唉？﹗又惊又喜又够搞笑㖞 ﹗哈哈 ﹗超浓郁既猪骨汤底，味道几浓汤宝一模一样，个乌冬浸左咁耐都无过腍㖞，口感仍然滑溜，好味㖞 ﹗全晚最好食系似个乌冬喇 ﹗厚切叉烧，我仲以为系胶黎添，咬唔到既？又硬又韧㖞，格硬扯都唔点，系咪装饰黎架？真系笑左，哈哈 ﹗
和风烧薄饼，朋友仔推介，试试啦。我真系完全感觉唔到有风㖞，咩馅都无，食落似咸咸地既酥皮啰，应该有少量芝士。泡芙，炸既甜品，无意见。雪糕糯米糍，外购正常啰。服务真系有待改善架，好多时碗碟已堆即如山，我地都系自己攞去隔离枱啰。见老板好努力咁跑黎跑去招乎客人，身水身汗，我都唔忍心写得太狠，希望我既意见帮到您啦 ﹗加油呀 ﹗临中段先知道啤酒系任饮架 ﹗超初以为无啤酒供应添 ﹗
选择虽然算多，但质量参差，刺生种类同火锅生料种类系最少既，连港式、粤式、川式小食都有，入场费百几蚊就真系坚平，保证您食得饱 ﹗各方面都可以再做好啲，收费加少少无问题既。
张贴
