影片
更多
2015-08-07
1303 浏览
有好多食店为咗避开啲昂贵嘅铺租，都选择去工厂区开铺，所以，依家去啲厂厦揾食绝对唔喺咩奇闻。不过，有一类开晌工厂区嘅食肆，就成日搞到神神秘秘咁，门口无招牌，无水牌，连一张宣传单张都无，仲讲明只招呼工友 ，依啲就喺所谓厂厦食堂，喺用紧食堂嘅牌照，所以，唔可以咁张扬，但就唔净止招呼工友 。今日，就同朋友勇闯位处荔枝角嘅Very Food Court工友食堂，一尝百变午餐。小弟家住美孚，荔枝角工厂区我久唔久就会过嚟，因为要去附近一间上楼嘅整饼材料铺买嘢，佢啲日本面包粉真喺抵过超市卖嘅金象牌面包粉好多，故此，要揾Very Food Court入口一啲无难度。入到去，跟一般美食广场分别唔大，都喺包含多间食店，唯一唔同就喺「中央买飞」，即喺点食物集中两个收银处，而唔喺每间食店各自为政。嚟之前一早已锁定目标，就喺Pati by Lassana，因为佢嘅姊妹店Spade by Lassana同The Pudding Nouveau均试过，知其水准去到边，对其出品甚有信心，中伏率低 。况且，整个美食广场，佢个铺面及食物卖相，相比起又的确吸引好多 。每周精选都喺啲意粉餐，定价$43，并包一杯热饮，以
小弟家住美孚，荔枝角工厂区我久唔久就会过嚟，因为要去附近一间上楼嘅整饼材料铺买嘢，佢啲日本面包粉真喺抵过超市卖嘅金象牌面包粉好多，故此，要揾Very Food Court入口一啲无难度。入到去，跟一般美食广场分别唔大，都喺包含多间食店，唯一唔同就喺「中央买飞」，即喺点食物集中两个收银处，而唔喺每间食店各自为政。
嚟之前一早已锁定目标，就喺Pati by Lassana，因为佢嘅姊妹店Spade by Lassana同The Pudding Nouveau均试过，知其水准去到边，对其出品甚有信心，中伏率低 。况且，整个美食广场，佢个铺面及食物卖相，相比起又的确吸引好多 。
每周精选都喺啲意粉餐，定价$43，并包一杯热饮，以其一向质素，算喺抵食，就好似Lassana啲咖啡，一杯都值几十蚊啦！
此外，一人自选午餐就吸引啲，皆因$59就可以自选1款主菜、1款配菜及1款沙律，仲有包一杯一般餐饮，如想转饮意式咖啡或特饮，都只喺加多$10，超划算 。只可惜星期日原来店方休息，想晌星期日嚟叹个早午餐都唔得。
主菜类据店员讲，主菜不时转款，就算只计今日嚟到，主菜都有成8款选择，包括：芝士龙虾仔碎蛋拖鞋包、烟三文鱼碎蛋牛角包、吞拿鱼墨汁包、巴马火腿芝士百吉包、BBQ汁烧排骨、炸蟹饼、炸鱼柳及韩式炸鸡。因为身体啱啱好番无耐，热气嘢就唔啱我，所以，瞄著啲包款。
配菜类都有好几款选择，但唔喺普普通通嘅炒什菜、炸薯条，而喺有忌廉芝士焗薯、鲜炒杂菇、芝士焗菠菜及原个焗薯。
沙律类沙律也意外地多款式，唔喺「求求其其」嘅沙律菜捞啲油醋，而喺睇得出用料不赖及制作认真嘅出品，有烟鸭胸沙律、红菜头沙律、凯撒沙律、意粉沙律、华都夫沙律、地中海沙律共6款。
芝士龙虾仔碎蛋拖鞋包、原个焗薯、华都夫沙律 $59 依个就喺小弟一人自选午餐嘅组合，包款晌芝士龙虾仔碎蛋拖鞋包及吞拿鱼墨汁包之间取舍，最终拣前者，因为龙虾仔听落始终都喺贵料啲啲，心理觉得著数少少；而配菜真喺好难拣落手，几款都想试，结果拣咗原个焗薯，因为睇卖相靓仔啲啰，哈哈；沙律一眼就睇中华都夫沙律，因为依家好少地方有做依款经典沙律。
芝士龙虾仔碎蛋拖鞋包、原个焗薯、华都夫沙律
$59
54 浏览
0 赞好
0 留言
个三文治包非常足料，龙虾仔、芝士、碎蛋、生菜丝堆到个包满一满，材料入口感觉新鲜，龙虾仔肉带少少咸鲜味，配合生菜丝嘅清爽，以及蛋黄酱嘅浓香，个包无论味道，抑或口感，都极有层次 。问过店员，原来所有面包唔会一次过大量做，差唔多卖晒就再做，依个就喺可以即场制作嘅加分位 ！
芝士龙虾仔碎蛋拖鞋包
50 浏览
0 赞好
0 留言
原个焗薯 话佢卖相靓仔就喺因为佢唔喺就咁得个焗薯，仲加咗好多碎蛋同烟肉，塞满成个焗薯表面，所以，个人觉得最佳食法喺将个焗薯一开四，将碎蛋同烟肉铺均4小件焗薯，咁就令焗薯更有味道，薯味亦都突显啲 。不过，如果啲烟肉做得碎啲，个人就觉得更好。
原个焗薯
55 浏览
0 赞好
0 留言
简单又好食嘅华都夫沙律，最适合夏天食，因为以青苹果及红苹果为主，所以，味道酸爽清新，加上合桃碎、提子干，加添口感 。
鲜奶咖啡 +$10 一人自选午餐只包一般茶啡，但嚟到Lassana嘅姊妹店，点可以唔试佢啲鲜奶咖啡架。虽然，依度做嘅比较有少少快餐形式，个拉花亦都无咁靓仔，不过，质素依然，个咖啡香醇以外，奶泡打得唔错，撞落啲浓缩咖啡中亦够均匀。
鲜奶咖啡
34 浏览
0 赞好
0 留言
友人嘅组合，样样我都黐少少试，详细就唔多写喇，不过，真喺食得出绝无迤做，每样嘢都制作认真，尤其个红菜头沙律，红菜头本身都喺贵价食材嚟，而且又营养健康，入口清甜 ，最贴心更加入橙肉同萝卜，令味道更多元化 。
烟三文鱼碎蛋牛角包、原个焗薯、红菜头沙律
$59
47 浏览
0 赞好
0 留言
正如上文所讲，饮杯有水准嘅咖啡都要几十蚊啦，有到过一啲连锁三文治店或咖啡店食过嘢，就知道一份高质素嘅三文治、原个焗薯大概卖几钱，甚至一个普通嘅生果沙律杯都收你廿几、三十蚊啦，所以，Pati依个一人自选午餐真喺抵到无朋友 ！
张贴
