影片
更多
2009-05-11
40 浏览
我同小公主好有兴致喺星期五晚揸车入去黄金海岸试下呢间法国菜，七点半去到，餐厅算几有情调，不过枱与枱之间太埋，私人空间不足，好在我地两个唔系去谈情，而系去食嘢咋。我地叫咗个二人套餐：1. 餐包 - 当然系逢西菜都会有嘅面包，真系好抱歉，因为我估佢地应该唔会系自己做面包，应该都系买人地现成嘅，不过质感真系好似Delifrance造嘅，虽然都唔差。2. Seafood Platter - 呢个海鲜拼盘真系少得可怜，得三样嘢，每人得一旧，螺肉算最好，够爽够鲜甜，虾又细，生蚝应该系营养不良，冇肉嘅....一个字形容 -- shit.3. 什菜沙律 - 好似是旦揾堆草比你食咁，啲菜好cheap，根本唔系用开外国整沙律嘅食材。4. 酿鸭胸 - 切得太薄，冇口感，厚啲应该唔错。4. 煎鹅肝 - 用上传统黑醋汁伴，不过鹅肝半身有根，而且质地几鞋，应该系次等货。5. Clam Chowder soup - 普通到唔可以再普通。6. Cream of Carrot soup - 甘荀忌廉汤，系本人至唔喜爱嘅忌廉汤款，虽然自己唔钟意，但算做得几好。7. 鲜虾鲜茄炒意粉 - 好多油，太肥腻了，满到泻咁滞，啲意粉
我地叫咗个二人套餐：
1. 餐包 - 当然系逢西菜都会有嘅面包，真系好抱歉，因为我估佢地应该唔会系自己做面包，应该都系买人地现成嘅，不过质感真系好似Delifrance造嘅，虽然都唔差。
2. Seafood Platter - 呢个海鲜拼盘真系少得可怜，得三样嘢，每人得一旧，螺肉算最好，够爽够鲜甜，虾又细，生蚝应该系营养不良，冇肉嘅....一个字形容 -- shit.
3. 什菜沙律 - 好似是旦揾堆草比你食咁，啲菜好cheap，根本唔系用开外国整沙律嘅食材。
4. 酿鸭胸 - 切得太薄，冇口感，厚啲应该唔错。
4. 煎鹅肝 - 用上传统黑醋汁伴，不过鹅肝半身有根，而且质地几鞋，应该系次等货。
5. Clam Chowder soup - 普通到唔可以再普通。
6. Cream of Carrot soup - 甘荀忌廉汤，系本人至唔喜爱嘅忌廉汤款，虽然自己唔钟意，但算做得几好。
7. 鲜虾鲜茄炒意粉 - 好多油，太肥腻了，满到泻咁滞，啲意粉又煮得太硬。
8. 牛柳 - 牛肉本身有根而且冇咩肉味，已经冇肉味，而且汁又少，新薯煮到仍然系硬身嘅，唉.......
9. Coffee - 咖啡系机冲嘅，不过不失。
Comments : 如果讲食物质素，千其唔好去，包你后悔。最多都系食气氛，又山长水远入到去，得不偿失。
张贴
