稚

营业中

休息中

一间充满漫画风的小店，位置方便，近朗屏西铁站，舖位细细，店内只有10-15个位置，不想排队的客人就要早一点去啦～《$36 厚烧玉子》非常厚身的日式烧玉子，面头有用火枪微微烤过。甜甜的蛋香配上面头的沙律酱，非常满足！《$25 烧鸡皮串》$25有两串烧鸡皮，鸡皮入口已经冇香脆感，而且食落有少少油，普普通通。《$78 汁烧鱿鱼筒》鱿鱼筒偏细条，但烧得刚刚好，咬落唔会韧，唔会咬唔开，配上酱汁，日式既感觉出哂黎《$58 和牛可乐饼》炸皮唔厚，配上牛肉薯蓉一起炸，咬落外脆内软又多汁，加埋椰菜丝食一点都唔会腻。《$25 烧京葱》第一次食烧京葱，感觉好得意。烧过既京葱香味扑鼻，一层一层既口感，简单调味已经好好食！《$38 黄金酱烧蚝》黄金酱其实系沙律酱，配埋一齐食唔会干，味道层次更加丰富，只是蚝都系偏细只少少，呢个价钱尚可接受。《$108 蟹膏蚬肉炒饭》蚬肉份量多，但食完成个饭都感觉唔到蟹膏，可能落得好少，但个饭炒得干身，唔油，中规中矩。餐厅冷气唔算大，但唔知点解野食冻得好快，特别是串烧，基本上入口都已经冻了。其他方面都做得唔错，而且价钱合理，系个不错的选择。