Whitewood Coffee (已結業)

今次同老公黎到这间位于沙田石门既 Whitewood Coffee 食这个厚松饼；当天我地下午1点45分到达，谂住要排队，但好幸运地去到唔使等位 (可能平日关系) ，有两张2人枱，我地就坐左其中一张，之后过几分钟后另一张枱都有客人坐埋，全场满坐，整间店好似只有 7 - 8 张枱，地方不大，但都坐得舒服，唔会有迫压感觉。原味厚松饼(2件): 松饼卖相好靓，好松软，摇只碟会动 L 动 L 震 ，有入口即溶感觉，配埋一大旧 cremy 和士多啤梨好 match 而不腻，但士多啤梨有 d 酸。卡邦尼意粉： 碟意粉够足料，好多烟肉同菇，意粉烟烟韧韧，但个汁比较淡味，可以creamy d 就好喇！冻朱古力： 份量比较少，夏天咁热黎讲系唔够喉的，而且要$40 杯略贵，朱古力味较淡。