반찬앤쿡 Banchan and Cook (太古城中心)

营业中

休息中

今日去咗太古城一间专食蛋包饭嘅韩国餐厅食饭，佢成间舖头行文青干花风格，仲成日都有好多人排队食。我哋叫咗泡菜五花肉蛋包饭，一嚟到个蛋包饭系一个好smooth动L动L嘅鸡蛋，切开之后会好似瀑布咁流落嚟，食落啲蛋都好嫩滑。下面包住嘅系珍珠米炒饭。个泡菜五花肉都好得意，系一大旧泡菜包住好多五花肉一齐炖煮，泡菜唔会太辣又惹味，五花肉煮到好腍。猪手沙律充满骨胶原，好Q弹，沙律入面有西柚我钟意。炸鸡皮脆热辣辣。烤棉花糖下面有啲crumble，烤到超脆。佢啲饮品全部都好似韩国cafe嘅一样咁靓，济州绿茶鲜奶饮落唔系日式个只，似系济州饮过个只。无花果梳打好refreshing。