手卷駅

营业中

休息中

餐厅是新开的，只有8个座位，见到刚刚有位就去试下，叫左便当，谂住唔够再加野，便当有个主食系饭或冷面或沙律，再有小食同小卷三件自选寿司。个便当望落去份量都唔少，女仔一定够食，男仔可能要叫多啲野啦，寿司水准不错，用料比一般细寿司店既好少少，芥辣八爪寿司都好足料，螺肉小食份量都算多，个饭系形珠米，虽然帆立贝size细咗少少，但系个味道都唔差配埋啲日式烧汁都几惹咪，朋友过个镘鱼都唔错呀。之后仲加左赤贝寿司同原只软壳蟹手卷，软壳蟹虽然细咗少少但系真系食到系成只原来系起个手卷入面,个赤贝好正，好鲜。可能新开张关系，啲员工态度都好好，原本啲嘢食系要自己拎嘅，但系佢会主动帮我地拎埋位，不过个缺点就系𠮶便都系冇嘢饮嘅，所以如果要嘢饮就要另外自己买啦。