龍德樓 (已結業)

今晚过开去胜利道，见都夜喇，又肚饿，就系附近揾野食。见到龙德楼有好多港式美食，好似煲仔饭、炖汤等等、价格非常便宜。咁啱仲餐厅仲推出埋全新冬季煲仔饭及炖汤，立即吸引咗我入去喇。雪梨海底椰炖赤肉炖汤好足料，一啲都唔马虎。雪梨味超强，再加上海底椰同无火花嘅味道，超清甜润喉。杏汁菜胆炖白肺汤面带少少杏仁油，啖啖香味、入口好滑，猪肺真系清洗得好干净、白雪雪，有口感，唔会太腍，而且好足料，一盅有成5件咁多，好抵食。上汤鱼肚浸胜瓜依道菜除咗主角嘅鱼肚同胜瓜，仲有虾干同猪肉碎，令汤嘅味道更加鲜甜。鱼肚份量都好多，而且吸哂上汤，非常鲜味。鲍鱼花胶尚品煲超级丰富嘅尚品煲。主角嘅鲜鲍同花胶当然唔少得啦，煲里面仲有鱼柳、带子、鲜鱿、大虾、花菇、豆卜同西兰花。完全食到哂食材嘅鲜味。而豆卜更吸收哂所有材料嘅精华。诚意推介俾大家。腊味鸳鸯肠煲仔饭最后当然要食埋煲仔饭啦。冬季煲仔饭首选，必然系腊味鸳鸯肠煲仔饭。五花腩腊肉超邪恶，但果种油香，真系无法抗拒同抵档。腊肠同膶肠都非常鲜味，整体来讲都好出色。