千府·居食屋 (已結業)

今晚同朋友去了间居酒屋，位置就在胜利道，位置都方便，座位唔算太多，但都十分舒适，朋友发板，点了九件寿司，有最爱嘅赤身、肥美拖罗、鱼味较浓郁嘅深海池鱼，弹牙赤虾、厚切带子、令人满足嘅海胆、充满油腻嘅火炙鲽鱼边、软滑肥美嘅和牛，件件都十分新鲜！而串烧比较喜欢就系日本黑豚腩肉，本身肉质嫩滑加上本身肉质结实好有口感，加上本身嘅脂肪消得恰到好处上面撒了少少盐十分好味！盐烧白鳝，本身白鳝肥厚，师傅烧得白鳝皮脆，入口肉质弹牙肥美，真系令人十分回味！配埋枝纯米吟酿-天之户冰晶，入口带点微甜嘅清酒，配上串烧真系十分配合！朋友推介嘅日本黑豚肉炒面饭，又真系十分特别，用上了肥美嘅黑豚肉再加埋弹牙烟韧嘅面炒之余还有混埋酱汁嘅白饭一齐炒，出来十分入味，又充满口感，啖啖入口感觉暖粒粒，十分满足！店员亲切招待，同客人打成一片，确实好有日本居酒屋感觉！