十三姨酸菜魚 (粉嶺中心) (已結業)

粉岭不停开新餐厅，但大多数系茶记、西餐果D，今次终于有间特别D嘅餐厅!!! 由开舖到而家，每日都有人龙。当晚一行四人，由于由朝食到晚，所以到左晚餐时间一D都唔饿，加上有个系小鸟胃，商讨之下觉得二人餐已经够食。二人套餐 $228 – 4𩠌2白饭2酸梅汤招牌酸菜鱼(小辣)唔好以为盘大得个样，其实料有唔少，鱼、芽菜、酸菜、窝笋外、原来仲有水晶粉，如果我知有嘅话，就唔会另外加$18要个粉😂，因为有点过多。鱼好滑，但鱼味唔重，质地较松散；鱼皮带点腥，但可以接受；汤底够酸，初初食唔觉得辣，但之后越食越辣。水晶粉系阔薯粉，好烟韧，但每条都痴到几实，加上阔身，有D难夹。败笔系酸菜好梅😲，应该煮左好耐，一D都唔爽脆。无骨口水鸡好好彩系鸡髀位，不过唔够滑，肉质偏实。麻辣酱调味啱啱好；花生够脆无油益味。秘制鸡翼4只炸粉唔厚，外皮够脆，友人话好味。鸡丝凉粉第一次食凉粉，大力夹佢会断开，本身无乜味，全靠个麻辣汁，鸡丝偏少，但整体味道唔差。呢度嘅酸菜鱼同太二比，虽然有段距离，但身为粉岭少有嘅酸菜鱼，价钱平民，全日无加一，份量又多，地点方便，性价比咁高，当然吸引大众。