Urban United Burger & Bar (已結業)

扭计中的男朋友要求食汉堡，于是我地就嚟到呢间装修同呢条街道完全唔衬嘅特色店。入到去我已经俾佢七彩缤纷嘅餐牌所吸引。因为我自己食左嘢，所以净系嗌左杯饮品。而男主角就嗌左个汉堡包餐。汉堡配啤酒系佢嘅坚持，所以唔少得啤酒。汉堡包嘅牛肉都好多汁，面包都算新鲜软绵绵唔会摆太耐而硬掘掘，薯角都外脆内软，唔会炸过龙。唯独个份量细左啲，食完佢话仲想出去买其他咁食。而我最不满系杯蜜桃茶，唔甜之余苦苦地，唔个系个茶太浓定系蜜桃汁坏左。就咁一个餐两杯饮品都$230，食完唔饱嚟讲其实都真系一般般。而佢间餐厅虽然装修得好靓，但好多蚊同乌蝇仔飞飞下，好烦扰下，可能清洁方面要做多小小。