金啫の鍋 (已結業)

好耐都冇食鸡煲啦！见呢间餐厅系新开，又好似好多嘢食咁，一于就食佢啦！我就觉得重点当然系鸡煲啦～酱汁够惹味而且鸡肉又滑！店员又会主动帮手煮，唔会过老啊！个鸡煲咁正，食一煲就梗系唔够啦，所以有叫多一轮！新一轮落左单之后唔使5分钟就到非常抵赞👍🏻食完鸡煲就会落啲海鲜落去，有虾蟹蛏子蚬同鲍鱼！呢度仲有个摸蚬赢机票活动，虽然我就摸得七十几只连个排行榜都入唔到～但就胜在玩得几开心😃咁之后就系打边炉嘅时间啦，呢度就有三款汤底可以俾你选择，有麻辣番茄同猪骨！我拣咁猪骨汤！味道唔错！至于火锅配料方面，选择都有好多～同埋系自助形式！悭返唔少落单时间！有更容易控制分量，就唔使食净野啦！😉而呢度猪肉味道就相当唔错啦，猪味浓郁而且嫩滑👍🏻仲有鹅肠一啲异味都冇，又有少少油脂好香口！