德興茶餐廳 (已結業)

講左幾年話要買G10，星期一就要去越南旅行，無理由仲唔出手，於是今天收工就去買喇﹗終於買到了，以後影食物又可以再靚0的喇﹗食左幾日大魚大肉今日決定都係食個麵就算﹗來左德興，點了個炸魚皮，雲吞墨丸麵，而工友就要了四寶撈粗﹗墨魚尚算彈牙卻未見太出色，墨魚丸偏少唔夠咬口，可以更好﹔雲吞入口鮮甜，豬肉明顯多過蝦肉，所以口感油膩左少少﹗工友的四寶佢話平平無奇，近似在街市是旦買返來，無甚特色﹗炸魚皮很薄身香脆似是就咁一片皮生炸，口感爭0的亦不夠香，可以更好的﹗不過呢度有樣好，就係勝在大碗，大件夾抵食，個麵我估有其他麵鋪的倍半左右，食極都食唔完，夠哂飽肚﹗